POP 5

Lajmet më të lexuara të 5 minutave të fundit

Kronikë

Nipi i ish-deputeti Rraja theu arrestin në shtëpi për kokainën që iu gjet në makinë, babai i tij kundërshton policët ta fusin në qeli

Anëtarët e fisit të ish-deputetit socialist Rrahman Rraja në Krujë përfshihen sërish në të tjera episode dhune, këtë radhë edhe duke kundërshtuar forcat e rendit. Nipi i ish-deputetit u arrestua pasi kishte thyer arrestin në shtëpi, por babai i tij Flamur Rraja, siç policia thotë – nuk iu bind efektivëve dhe kundërshtoi shoqërimin e djalit në komisariat.

Nipi i ish-deputetit socialist të Krujës, Rrahman Rraja, u arrestua nga policia, pasi kishte thyer masën e “arrestit në shtëpi” për 20 gram kokainë dhe shuma parash që iu gjetën në makinë në tetor të vitit 2023.

Në këto kushte, gjykata kërkoi rëndimin e masës ndaj Ariel Rrajës duke caktuar “arrest në burg”. Kur uniformat blu shkuan të ekzekutojnë masën në afërsi të një karburanti në Fushë-krujë, u përballën me babanë e 24-vjeçarit, Flamur Rrajën, që siç policia thotë, bashkë me një 26-vjeçar, kundërshtuan punonjësit duke i penguar të shoqërojnë në komisariat djalin, dhe tashmë po hetohen të dy të lirë.

Fisi Rraja tërhoqën sytë e mbarë opinionit publik 6 korrikun e vitit 2023 për rrahjen barbare ndaj 2 kushërinjtë Maja në Thumanë pas ankesave që kishin bërë se guroret e fisit Rraja i kishin dëmtuar banesat në Borizanë. Pamjet e dhunës me shkopa bejsbolli dhe armë në duar, që i filmuan me celularët e tyre si provë kërcënimi se të njëjtin fat do të pësonin edhe banorët e tjerë nëse ankoheshin, u bënë shkak për disa reagime zinxhir, shkarkimin e ministrit të Brendshëm Bledi Çuçi, dorëheqjen e Rrahman Rrajës si deputet i PS-së dhe shkrirjen e komisariatit të Krujës

Por nuk kaloi shumë, dhe dhuna e fisit Rraja u shfry nga Prokuroria e Tiranës në “plagosje të lehtë” dhe kanosje, bazuar në një ekspertizë që la vend për dyshim, pasi dhunën barbare të dëshmuar me video ndaj 2 kushërinjtë Jashar e Bilbil Maja e konsideruan dëmtim të lehtë. Tashmë asnjë nuk është as në qeli për dhunën ndaj Majave.

'Specialistët e Seksionit për Hetimin e Krimeve të Komisariatit të Policisë Krujë ndaluan shtetasin e shpallur në kërkim A. Rr., 24 vjeç, të cilit Gjykata e Tiranës i ka caktuar masën e sigurisë “Arrest në burg”, për veprën penale “Largimi i të burgosurit nga vendi i qëndrimit”.    Në vijim të veprimeve për këtë rast, janë proceduar penalisht shtetasit F. Rr., 56 vjeç dhe E. T., 26 vjeç, pasi kanë kundërshtuar punonjësit e Policisë, gjatë ndalimit të 24-vjeçarit, dhe nuk iu janë bindur urdhrit të tyre, për shoqërimin në komisariat.', - thuhet në njoftimin e policisë, sot 23 janar.

G.K/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjyshi: 23/01/2025 14:30

    Ka ardhur koha te zhduket kjo familje vradesish dhe trafikantesh! Uroj qe te fillojne te paguajne rende njelloj si bandat e tjera ne zhdukje.

    Përgjigju
  • Bobi: 23/01/2025 11:19

    Bej habi si e kane kap.Del tani prap se nuk i duhen Ramazonit me 11 maj. Mos u lodhni kot me shkrime te tilla. Shif mos arrestojne ndonje te rrezikshem qe po rregullon tualetin apo catine e shtepise. Ai I ben dem shoqerise keto qe "mbledhin" vota per PS keto jane engjej

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

23 Janar, 15:32