Dialogu trazon politikën në Kosovë, Haradinaj: Kurti veproi drejt. Hoxhaj: Përmbysi trashëgiminë

Dialogu trazon politikën në Kosovë, Haradinaj: Kurti veproi drejt. Hoxhaj: Përmbysi trashëgiminë

Dialogu me Serbinë nuk do të fillojë para muajit qershor dhe jo pa konsultime me opozitën vendase, ka qenë pikërisht kjo deklaratë e kryeministri të Kosovës, Albin Kurtit në Bruksel, e cila ka nxitur reagime të shumta në Kosovë.

Kryetari i Aleancës për Ardhmërinë e Kosovës, Ramush Haradinaj, e ka përshëndetur refuzimin që ka bërë Kurti, duke e shtyrë takimin me Vuçiç në qershor.

“Refuzimi i Kryeministrit Kurti të takimit të 11 majit është i drejtë. Ai takim ishte caktuar nga Borell e Vuçiç pa konsultim me palën kosovare. Takimet e formatit të tillë, duhet paraprakisht të dakordohen me institucionet e Kosovës, “ tha Haradinaj në postimin e tij.  

Por një deklaratë me tone të ngritura ka ardhur nga kryetari i Partisë Demokratike të Kosovës, Enver Hoxhaj, i cili kundërshton hapat që ka ndërmarrë Kurti në drejtim të dialogut me Serbinë.

‘Me konfirmimin e tij për rinisje të dialogut me Serbinë, Albin Kurti sot e përmbysi gjithë trashëgiminë e tij politike kundër negociatave Kosovë-Serbi. Kurti rinisi dialogun në Bruksel pa vendosur reciprocitet me Serbinë dhe pa një platformë apo strategji.  Nga Jo Negociata - Vetëvendosje, Kurti ra dakord në Bruksel që të hyjë në Negociata për Autonomi për serbët në Kosovë dhe të zhbëjë planin Ahtisari që mundësoi pavarësinë e Republikës së Kosovës,” tha Hoxhaj.

Për shoqërinë civile në Kosovë, e cila prej kohësh pret të shohë një bashkëpunim dhe marrëdhënie të re pozitë opozitë, bashkërendimi është i domosdoshëm, por ka shumë pak gjasa të ndodhë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet