Gjykata ka caktuar masën e sigurisë ‘arrest me burg’ për shtetasin Mahmut Gega, i cili dyshohet të jetë autori i vrasjes së biznesmenit Elsi Kosiqi, në Maqellarë të Dibrës. Ngjarja e rëndë ndodhi tri ditë më parë, ku 32-vjeçari u ekzekutua në oborrin e banesës së tij.
Krimi ndodhi pas një sherri mes autorit dhe viktimës, ku ky i fundit u qëllua me tre plumba në kraharor. Ai kishte parkuar makinën dhe po mbyllte portën e shtëpisë. Autorët që e kanë ndjekur nga pas e kanë thirrur në emër dhe e kanë qëlluar për vdekje.
Njoftimi i policisë:
Arrestohet autori i dyshuar i vrasjes së ndodhur gjatë orëve të mëngjesit të datës 20.03.2018, në Maqellarë, ku u vra me armë zjarri shtetasi E.K. Në vijim të informacionit paraprak, ku është vrarë me armë zjarri, në oborrin e banesës së tij në Maqëllarë shtetasi E.K, rreth 32 vjeç, pas një pune intensive nga Strukturat e Drejtorisë Vendore të Policisë Dibër, në bashkëpunim me Prokurorinë e Rrethit Gjyqësor Dibër, u bë arrestimi në flagrancë i autorit të dyshuar të vrasjes, shtetasi:
M.G, banues në njësinë administrative Shupenzë. Paraprakisht dyshohet se shkaku është për konflikte për motive të dobëta. Për shkak të hetimeve nuk bëjmë me dije të dhëna të tjera dhe rrethana të ngjarjes.
