Dibër – Një 19-vjeçar është plagosur rëndë ditën e sotme në vendin e quajtur "Rrasa e zezë", në njësinë administrative Selishtë, pasi aksidentalisht është rrëzuar nga një shkëmb.
19-vjeçari i identifikuar me inicialet K.B., kishte shkuar për piknik së bashku me tre shokët e tij të identifikuar me inicialet A.M, M.Ll, E.B dhe E.B.
Gjatë kohës që i riu së bashku shokët e tij kanë qenë duke u kthyer nga pikniku, 19-vjeçari është rrëzuar nga një shkëmb dhe për pasojë ka pësuar lëndime trupore
![](https://shqiptarja.com/template/img/NO_ALFA_Kuadrate shqiptarja.png)
"Në vendin e quajtur "Rrasa e zezë", në njësinë administrative Selishtë, shtetasi K.B., kishte shkuar për piknik sëbashku me shokët e tij shtetasit A.M, M.Ll, E.B dhe E.B. Gjatë kohës që shtetasit e lartëpërmendur kanë qenë duke u kthyer nga pikniku, dyshohet se aksidentalisht shtetasi K.B., 19 vjeç, është rrëzuar nga shkëmbi dhe për pasojë ka pësuar lëndime trupore",- njofton policia.
Blutë bëjnë me dije se i riu është dërguar në spital dhe po trajtohet me ndihmë mjekësore.
Grupi hetimor po punon për zbardhjen e plotë të rrethanave të kësaj ngjarjeje.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)