Ndryshe nga e mërkura sot në shumë qytete të Shqipërisë janë vërejtur lëvizje të shtuara të qytetarëve, por edhe të makinave në rrugë. Kjo si shkak edhe e motit të mirë dhe me temperatura favorizuese për të dalë nga shtëpia. Si rrjedhojë në shumë tregje, banka, apo bankamate, ja krijuar radhë ku në shumicën e raste ishte e dallueshme qartësisht që nuk respektoheshin masat e sigurisë të ndërmarrë për koronavirusin. Të rrallë ishin ata që respektonin distancën e sigurisë dhe akoma më të pakët ata që kishin masa mbrojtëse.
Në Kukës, pas përfundimit të reshjeve të borës, moti i mirë me diell ka bërë që qytetarët kuksianë, të dalin në tregje e markete për blerje si dhe lëvizje në rrugë e sheshe. Ndërkohë tërheqja e pagës mujore për banorët që janë në punë ka sjellë radhë të gjata në ambientet e jashtme të bankave duke mos respektuar sa duhet distancën sociale.
Në rrugët e qytetit ka edhe një qarkullim të shtuar të automjeteve në krahasim me ditët e tjera. Dy ditët e fundit zona e Kukësit u përfshi nga reshje të dendura të borës të cilat me ndalimin e tyre sollën përmirësimin e dukshëm të motit.
Në Elbasan qytetarët kanë dalë nga shtëpitë e tyre dhe kanë vërshuar drejt bankave dhe zyrave postare. Moti me diell ka qenë një shtysë për ata, të cilët edhe si në rastet e tjera janë grupuar dhe nuk kanë ruajtur distancën që duhet të mbajmë nga njëri-tjetri.
Për të shmangur një infektim të mundshëm ka ndërhyrë policia bashkiake e cila ka shpërndarë turmën.
Sakaq banka e cila punonte e infektuara 52-vjeçare nga Elbasani ditën e sotme është hapur dhe ka një grumbull njerzish të cilët presin në radhë për të kryer shërbimet e tyre.
Bashkia e Kukësit vendos në dispozicion të familjeve kuksiane platformën virtuale në rrjetin social Facebook, “Jam në shtëpi, kam nevojë për ndihmë". Kryetari i bashkisë Safet Gjici, njoftoi se bashkia përmes kësaj platforme ju vjen në ndihmë të gjithë familjeve që kanë nevojë për ushqime, medikamente apo nevoja të tjera gjatë situatës së emergjencës shëndetësore të koronavirusit.
"Mbi 40 familje i kemi ndihmuar, por është një ngarkesë shumë e madhe dhe për këtë qëllim ne kemi hapur një grup në faqen e bashkisë mund të drejtohen dhe të shkruajnë të gjithë. Ndryshe është e pamundur, se dikush më shkruan në mesengerin privat, por është e pamundur t'i lexoj të gjithë. Do iu lutem shumë të gjithëve që të shkruajnë në këtë platformë se aty ka shumë njerëz që meren me këtë punë dh edo t'u ndihmojnë nëse e meritoni të ndihmoni."
Gjici ndër të tjera bëri të ditur edhe arsyet e krijimit të platformës.
"Duke qenë se ka dhe abuzues që kërkojnë ndihma duhet ta dinë që nuk mund të përfitojnë të gjithë, por vetëm shtresat më në nevojë, kemi krijuar një platforme në facebook kush ka nevojë të shkruajë, por edhe të denoncojë dhe shohim çdo rast."
Sakaq gjatë prezantimit të platformës, përmes një video-mesazhi, Gjici drejtpërdrejt në linjë telefonike bashkëbisedoi me kryefamiljarët për të dëgjuar nga vetë ata nëse ishin ndihmuar pas ankesave për mos marrje të ndihmave të drejtuar personalisht atij përmes mesazheve dhe telefonatave në numri personal.
Në Fier koha e bukur me diell ka bërë që qytetarët fierak t'i gëzohen kësaj dite duke dalë për blerje dhe lëvizje, ndërkohë bie në sy që mjete të shumta qarkullojnë në rrugët kryesore dhe si zakonisht radhë të gjata në ambientet e jashtme të bankave duke mos respektuar sa duhet distancën sociale.
Sakaq edhe Lushnja është karakterizuar nga një kohë e mirë me diell, e cila ka shtyrë qytetarët të dalin nga shtëpitë e tyre. Edhe pse nga videot nuk vihen re turma me njerëz apo radhë nëpër dyqane, sërish në krahasim me ditët e tjera vihet re një shtim i lëvizjes së qytetarëve.
Lajme të tjera
-
Ligji, nga 3 prilli llogari bankare falas për pensionistët e personat me ndihmë ekonomike! Brenda vitit pensioni do merret në bankë
26 Mars, 15:44
-
Ulen normat maksimale të interesit të kredisë konsumatore për jo-bankat
11 Janar, 16:18
-
4-mujori i parë i 2023, fitimi i sektorit bankar qëndroi në nivelet më të larta historike
12 Qershor 2023, 07:12 -
Banka e Shqipërisë: Sektori bankar i qëndrueshëm, rritja u ngadalësua edhe për shkak të kursit të këmbimit
5 Prill 2023, 16:08 -
Banka Qendrore Europiane rrit normat e interesit me 0.5 pikë përqindje
3 Shkurt 2023, 07:59 -
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Danimarka eliminon grabitjen e bankave! Danezët përdorin vetëm karta krediti dhe telefonat inteligjent për pagesa
3 Janar 2023, 19:42 -
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58
