Një sipërfaqe prej 16 ha e mbjellë me grur ështe përfshirë nga flakët mesditën e sotme në fshatin Topojë në Fier. Sipërfaqja në pronësi të një prej kultivuesve më të mëdhenj të grurit në zonë, Mili Sako është shkrumbuar vetëm për 1 orë pasi flakët të favorizuara edhe nga era janë përhapur me shpejtësi duke rrezikuar edhe një stan pranë.
Në vendngjarje ka mbërritur menjëherë zjarrfikësja e cila ka bërë të mundur shuarjen e flakëve. Për fermerin Sako dëmi ekonomik është i konsiderueshëm teksa nuk beson se mund te jetë një zjarrvënie e qëllimshme.
“Isha duke punuar në një parcel tjetër. Lamë punën atje dhe pamë që ishte djegur gruri që ishte pa korrur. Ishte 16 ha e paprekur fare. E përpiu flaka për 1 orë. Erdhi zjarrfikësja por ikte me vrull të jashtëzakonshëm. Mori flakë dhe stani. Dëmi ekonomik është rreth 20 milionë të vjetra. Do e korrja nesër. Nuk e di pse është shkaktuar zjarri, nuk vë dot dyshime se nuk kam konflikte me njeri. Nëse e ka vënë një dorë, haram e pastë bukën që ha. Është tmerr. Është gjithë ajo mund e sakrificë. Është mëkat të djegësh bukën e kalamajve”, tha Sako.
Fermeri Sako këtë sezon ka kultivuar 45 ha sipërfaqe të mbjellë me grurë, ndërkohë që gruri më cilësor tashmë është shkrumbuar. Sako apelon për të gjithë fermerët kujdes të shtuar gjatë djegies së hamullave pasi një pakujdesi e vogël mund të shkaktojë dëme të mëdha.
Në disa toka bujqësore të zonës se Maliqit, fermerët për të pastruar barërat, i vendosin zjarrin këtyre të fundit. Por situata është kthyer në tepër shqetësuese pasi, jo në pak raste janë rrezikuar dhe sipërfaqet me grurë i cili është pothuaj në ditët e fundit para korrjes.
Ditën e sotme qindra dylym toke janë përfshirë nga flakë te pakontrolluara të vëna qëllimisht, për të cilën u angazhuan disa zjarrfikëse te Maliqit.
Kryetari i Bashkisë Maliq Gezim Topçiu, në Facebook bëri thirrje për policinë të vërë para ligjit personat që kanë shkaktuar flakët.
‘Zjarrvënie në fushën e Maliqit. Një problematik e cila duhet të marrë fund sa më parë. Zjarri dëmton jo vetëm mikroflorën por edhe përbën një rrezik shumë të madh për të gjitha kulturat bujqësore e veçanërisht për grurin ende të pa korrur. Apel për kujdes maksimal nga të gjithë , por edhe për organet e policisë të shtetit në vënien para përgjegjësisë të shkaktarëve.’- shkruan ai.
Lajme të tjera
-
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
Fier/ Përplasen 2 automjetet ‘Benz’ në Levan-Tepelenë, 4 persona përfundojnë të plagosur në spital (VIDEO)
23 Dhjetor, 20:31 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Fier/ Morën zhavorr në Lumin e Vjosës, Prokuroria dërgon për gjykim 3 persona
21 Dhjetor, 10:31 -
‘Bankers’ investoi 10 milionë USD për komunitetin në 15 vite! Xiao: Përmirësojmë jetën e banorëve në Patos-Marinzë
20 Dhjetor, 17:17 -
Aksident në Lushnjë, një shofer i plagosur nga karambolimi i dy mjeteve! Shkak dyshohet shpejtësia e veturës
20 Dhjetor, 14:26
-
Fier/ Mashtrim, përndjekje, vjedhje dhe aksident, 4 persona të arrestuar, një në kërkim dhe një tjetër nën hetim! (EMRAT)
20 Dhjetor, 13:45 -
Lushnjë/ ‘Benzi’ përplas 66-vjeçarin me motor në aksin Fier-Shegan - Krutje (EMRI)
19 Dhjetor, 17:50
