Digjet e gjallë studentja, akuzoi drejtorin e shkollës për përdhunim

Nusrat Jahan Rafi ,një studente 19-vjeçare është djegur e gjallë pasi akuzoi drejtorin e shkollës se e kishte përdhunuar.

Tragjedia ndodhi në datën 27 mars ku Rafi u thirr në zyrë nga drejtori i shkollës islamike në Dhaka të Bangladeshit. 19-vjeçarje pretendonte se ai bëntë veprime të pahijshme kundra saj duke e prekur në pjesët e trupit.

Sapo doli nga zyra e drejtorit vajza shkoi menjëherë në stacionin e policisë ku bëri dhe denoncimin.

Dëshmia e saj e ngacmimit seksual u transmetua dhe në të gjitha mediat lokale të vendit. Lajmi bëri bujë duke shkaktuar reagime të forta ndaj 19-vjeçares dhe familjes së saj.

Një grup nxënësish organizuan tubim në mbështetje të drejtorit pasi atij po i ngriheshin akuza të rreme. Rafi i’u rikthye shkollës në 6 prill për të bërë provimet, dhe me vete kishte marrë vëllain për mbrojtje. Vëllai u ndalua në hyrje të shkollës, ndërsa Rafi u dërgua në çatinë e ndërtesës ku disa persona i kërkuan të hiqte akuzën ndaj drejtorit.

19-vjeçarja nuk pranoi t’i mohonte ato që kishte deklaruar në polici dhe të rinjtë i hodhën vajguri duke i vënë flakën

Nxënësit u përpoqën ta fshihnin ngjarjen që të pretendohësh si aksidentale, por Rafi, përdori telefonin e vëllait për ta rregjistruar me video sulmin, ndërsa tregoi disa persona përgjegjës.

Policia arrestoi 15 persona, 7 prej të cilëve besohet se ishin të përfshirë drejtpërdrejtë në ngjarjen.

Studentja pësoi djegie në 80 % të trupit dhe u nda nga jeta 4 ditë më pas në datën 10 prill.

 

TAG:
• bangladesh