FUSHE- KRUJE- Një zjarr i fuqishëm shkrumboi mëngjesin e sotëm katin e tretë të një pallati në fshatin Zallë tek ish-kooperativa "Partizani" duke sjellë dëme të shumta materiale, por fatmirësisht jo në njerëz, pasi katër fëmijë që mbetën brenda të rrethuar nga flakët u shpëtuan. Report Tv sjell pamjet e momentit kur zjarri përfshiu katin e tretë të pallatit. Zjarri është konstatuar nga një fëmijë në një nga hyrjet e pallatit. I mituri ndodhej i vetëm në banesë, pasi prindërit ishin në punë kur rreth orës 07:00 ka parë zjarrin që kishte përfshirë pjesën e pasme të frigoriferit duke u kërkuar ndihmë fqinjve që lajmëruan zjarrfikësen. Flakët u përhapën me shpejtësi në të gjithë çatinë e ndërtuar me material druri, e cila ishte e vjetër, e ndërtuar në vitet '70.
Nga flakët u dogjën katër hyrjet e katit të tretë, ndërsa katër fëmijët u asfiksuan nga tymi brenda në godinë, pasi nuk arritën që të dalin, por ndërhyrja në kohë e njërit prej banorëve arriti që t'i shpëtonte dhe pas ndihmës së parë nga urgjenca janë në gjendje të mirë jashtë rrezikut. Banori hero, Luan Tali tregoi për Report Tv si evidentoi flakët dhe si i gjeti të shtrirë katër fëmijët, që ishin asfiksuar nga tymi.
"Rreth orës 07:00 po shikoja njerëzit që po shikonin lart në katin e tretë, u bëra kurioz, dal jashtë dhe shikoj tym. Ngjitem në katin e tretë dhe shikoj katër fëmijë shtrirë ishin asfiksuar, theva derën dhe i nxora. Më janë dëmtuar tre hyrje, realiteti sa shpejt kanë ardhur shikoje vetë. Nuk dilnin as njerëzit, i kam nxjerrë me shkelma" tha një nga pronarët e hyrjeve që u shkrumbuan.
Një tjetër banor u shpreh se ishte në punë kur e lajmëruan se i ishte djegur shtëpia, ndërsa i bëri apel shtetit për ndihmë. "Isha duke punuar dhe na lajmëruan se u dogj shtëpia, kur erdha pashë që ishte djegur komplet kati i tretë, nuk ka asgjë brenda, i lutem shtetit të na ndihmojë se nuk kemi shtëpi. Unë jam vetë i pestë, kam tre kalamaj. Në momentin e zjarrit në shtëpi ishin fëmijët dhe dolën jashtë. Shkak mendoj ndonjë shkëndijë elektrike, jo nga shtëpia ime".
Për shuarjen e flakëve u angazhuan edhe zjarrfikëset e Krujës dhe Vorës, por edhe disa biznese me bote uji. Por pavarësisht ndërhyrjes nuk u shmang djegia e katit të tretë duke i lënë katër familjet në qiell të hapur. Fatmirësisht katër bombolat e gazit u nxorën me shpejtësi nga banesat e katit të tretë duke shmangur shpërthimet. Nga të dhënat e para dyshohet se shkak i zjarrit ka qenë një shkëndijë elektrike si pasojë e luhatjeve të tensionit.
Report Tv sjell pamjet nga brenda hyrjeve që u shkrumbuan nga zjarri mëngjesin e sotëm në Fushë Krujë. Brenda hyrjeve të katit të tretë nuk ka mbetur më asgjë, pasi gjithcka është djegur. Banorët kërkojnë ndihmën e shtetit, pasi kanë mbetur në qiell të hapur. Kati i tretë u dogj me shpejtësi, ndërsa zjarrfikësja ka shkuar 30 minuta pasi është lajmëruar, pasi distanca nga stacioni në Krujë është e largët. Banorët edhe më parë e kanë ngritur si shqetësim faktin se nuk ka një stacion zjarrfikëse.
Fëmijët që banonin në katin e tretë të pallatit që u dogj ditën e sotme tregojnë momentet e tmerrit dhe si arritën të dilnin nga hyrja. Ata rrëfejnë se ishin në gjumë dhe se kur u zgjuan nga thirrjet e fqinjëve panë dhomën të mbushur me tym.
"Kur ra zjarri isha në gjumë në shtëpi. Ishte mëngjes. Vetëm kur dëgjojmë komishiun që të merrte kalamajtë e komishiut tjetër, kur shikojmë shtëpinë të mbushur me tym. Dolëm vetë jashtë, pasi pamë tymin, zjarrin tmerr.
Vetëm këtu në banesë kishte katër kalamaj në shtëpi, ishin vetëm pasi mamin e babin i kishin në punë, ashtu si ne. Fëmijët e tjerë i nxori komshiu. Isha vetëm me motrat 15 dhe 12-vjeç. I trembëm shumë kur e pashë shtëpinë duke u djegur. Nuk kanë mbetur asgjë të gjitha janë djegur".
"Librat e shkollës nuk i kisha marrë, por ngjyrat të cilat më janë djegur. Nuk e dimë ku të banojmë. Ne ishim duke fjetur, vetëm kur shikuam tymin, dolëm jashtë, nuk morëm asgjë nga shtëpia.
Për zjarrin na lajmëroi komshiu. Pastaj lajmërova komshiun tjetër të katit të dytë. Fikëm automatët dhe dolëm, nuk ka shpëtuar asgjë" thanë fëmijët e njërës prej hyrjeve që u dogjën në Fushë Krujë.
Komente
Lajme të tjera
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
VIDEO/ Merr flakë banesa në katin e parë të një pallati në Sarandë, fqinjët shpëtojnë të moshuarën që jetonte aty
15 Dhjetor, 16:46 -
Lushnjë/ Shkrumbohet dyqani në fshatin Delisufaj, shkak shkëndija elektrike
13 Dhjetor, 13:43 -
Peri këputet aty ku është më i hollë! Ndreko Lako në Korçë mbetet pa strehë pas zjarrit në banesë! Jeton i vetëm, gruaja i vdiq, djemtë në burg
12 Dhjetor, 15:49
-
Zjarri përfshin një banesë në Korçë, shkak dyshohet shkëndija elektrike, flasin banorët: U frikësuam se u bë gjithë tym, një grua përfundoi në spital, u asfiksua nga tymi
11 Dhjetor, 19:21 -
Rrjedh bombola e gazit, shkrumbohet dyqani në Vlorë
4 Dhjetor, 13:29 -
Pukë/ Punëtori i vë aksidentalisht flakën servisit duke salduar! Digjet automjeti, plagoset edhe vetë
2 Dhjetor, 19:51 -
Kurbin/ Zjarri në fabrikën e këpucëve në Shullaz, shkak dyshohet të jetë një shkëndijë elektrike
30 Nëntor, 11:34 -
Lezhë/ Zjarr në fabrikën e këpucëve në Kurbin, vihet nën kontroll pas 4 orësh, digjet magazina e vajrave (VIDEO)
29 Nëntor, 22:04
-
Merr flakë gjithë lagjja në Filipine, digjen mbi 1000 banesa, zhvendosen 8 mijë banorë (VIDEO)
25 Nëntor, 20:35 -
Ersekë/ Flakët shkrumbojnë magazinën me bazë ushqimore, 2 zjarrfikëse në vendngjarje për të shmangur përhapjen e vatrës në banesa (FOTOT)
24 Nëntor, 19:15
Bravo hero, meriton gjithe mirenjohjen. Te kishte ndodh gjema sot mediat do transmetonin 24 ore live mbi tragjedine, por fal teje u mjaftuan me nje kronike.
Përgjigju