POP 5

Lajmet më të lexuara të 5 minutave të fundit

Sociale

Dimri i vërtetë ka mbërritur! Orteqet e borës izolojnë Iballën në Fushë-Arrëz, prifti mbetet në rrugë! Vështirësi dhe në Shishtavec e Theth

Fshatrat malorë në Kukës, Fushë-Arrëz dhe Shkodër po përballen me vështirësi për shkak të borës dhe erës së fortë. Banorët në Iballë janë izoluar, pasi në rrugë bien orteqe të vazhdueshme. Në Theth dhe Tamarë qarkullimi kryhet vetëm me zinxhirë. Po kështu mungon energjia elektrike.

Fshati Novosej në Shishtavec të Kukësit është mbuluar nga dëbora, duke ofruar një peizazh mahnitës. Mes emigranteve që kanë ardhur në vendlindje për të festa është Rrahimi që jeton në Linz të Austrisë. Ai thotë se në Novosej, është njëjëta klimë me vendin ku punon por këtu mungojnë investimet. Problematike mbetet ndërprerjet e vazhdueshme të energjisë elektrike.

Në aksin Topojan- Shishtavec mjetet borëpastruese janë në terren duke hedhur kripë por drejtuesit e mjeteve duhet të përdorin goma dimërore dhe zinxhirë.

Bora ka izoluar Iballën në bashkinë e Fushë-Arrëzit, ku trashësia e dëborës në disa vende shkon deri në 2 metra. Mbrëmjen e së mërkurës disa automjete mbeten të bllokuara për afro 5 orë, mes tyre dhe prifti që kishte shkuar në fshat për meshën e Krishtlindjes. Në orët e vona të natës, bashkia që ka në dispozicion vetëm një fadromë dhe një borëpastruese, arriti ta hapë rrugën, por ajo bllokohet here pas here për shkak se era e forte krijon orteqe bore.

Në Shkodër, akset Boge-Theth dhe Tamare-Veromosh janë të kalueshme me vështirësi. Puna vazhdon per largimin e bores që sjellin stuhite e eres. Drejtuesit e automjeteve duhet te marrin masa, të udhetojne me goma dimerore dhe zinxhirë.

Për shkak të eres janë demtuar dhe shtyllat dhe telat elektrike. Për pasojë qindra banorë janë pa energji në zonat; Bregu i Lumit, Prekal, Rrethnia dhe Bardhaj të bashkisë së Shkodrës. Po kështu në Vaun e Dejes mungon energjia në disa fshatra. Në Temal dhe Shllak ka bllokime rrugesh per shkak të rënies së inerteve.  Pa energji elektrike janë dhe disa fshatra të bashkisë së Lezhës.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57