POP 5

Lajmet më të lexuara të 5 minutave të fundit

Sociale

Dimri po afron, fshatrat e Kukësit ‘në mëshirë të fatit’! Banorët: Gjatë muajve të ftohtë izolohemi, rrugët bëhen të pakalueshme! Sfidë për të moshuarit

Dimri është i mjerueshëm për banorët e fshatrave të Kukësit. Ata thonë se jetojnë në izolim në muajt e ftohtë pasi rrugët bëhen të pakalueshme, energjia elektrike mungon netëve të gjata e ftohta. Banorët e fshatrave Mamëz, Surroj e Arrni bëjnë thirrje për investime për të përmirësuar kushtet e jetesës.

Muajt e dimrit janë të mjerueshëm për banorët e fshatrave të Kukësit që nisin me motin e ftohtë, dëborën, erën, ndërprerjet e energjisë elektrike, izolim nga mungesa e rrugëve për të shkuar jo vetëm në qytet, por as tek fqinji.

"Rruga ka ato vështirësitë e veta, por më problem kemi dritat elektrike, sapo fiken nuk ka kush i takon më".

"Kjo është shumë rrugë e vështirë, prej vitesh kështu ka qenë dhe shteti nuk ka vënë dorën asnjëherë. E pakalueshme sikur duket. Është rrugë ekstrem, 4600 m nga autostrada deri në qendër të fshatit."

Në fshatrat e Mamëzit, Surrojt e Arrnit banorët thonë se kalojnë netët e dimrit në errësirë. Më të vështirë e ka mosha e tretë të cilët jetojnë vetëm.

“Për kohën e dimrit është problem edhe energjia sepse sa ka erë apo shiu ndërpritet”.

“Sa të duash kemi vështirësi, edhe ujë s’kemi po dritat nuk i bëjnë dy minuta, javë e ditë shkojmë pa to. Boll e vështirë se njëherë të dhemb këmba njëherë koka, herë çohesh nga shkallësh rrëzohesh. Natën fiken kur ka fortunë rrijmë 24 orë pa drita”.

Fenomeni i largimit të të rinjve në këto fshatra është mëse i dukshëm. Në lagje e rrugica syri sheh vetëm të moshuar.

"Vetëm unë dhe 2-3 veta të tjera janë të rinj, të gjithë janë moshë e tretë, çfarë me përballu sepse është papunësi e madhe, s’ka punë fare këtu”.

Banorët bëjnë thirrje për më tepër vëmendje në investime për të përmirësuar kushtet e jetesës dhe frenimin e braktisjes së zonave rurale.

B.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46