POP 5

Lajmet më të lexuara të 5 minutave të fundit

Sport

'Dinamon e kemi mundur 2 herë, ia dalim dhe të premten!' Murataj: Maksimumi për Partizanin këtë sezon Kupat e Europës

Futbollisti i Partizanit Valentino Murataj thotë se të kuqtë do marrin fitoren në derbin kundër Dinamos, pasi ‘nëndetësja’ po kalon një situatë jo pozitive. Mesfushori shton se maksimumi që të besuarit e Mehmetit mund të arrijnë këtë sezon janë Kupat e Europës.

Te Partizani besojnë se dy pikët e humbura kundër Vllaznisë do lihen pas në përballjen derbi të premtes kundër Dinamos. Të kuqtë e Dritan Mehmetit në 3 ndeshjet e fundit kanë marrë 2 fitore dhe 1 barazim dhe sipas mesfushorit Murataj këtë javë do jetë momenti për 3 pikët e rradhës.

“Pavarësisht se është në këtë gjendje Dinamo e meriton rrespektin sepse është një skuadër me kualitet. Faktori pozitiv është se e kemi mundur në dy ndeshje dhe mendoj se do ia dalim me sukses pavarësisht respektit për trajnerin Devolli e Dinamon. Do marrim një fitore këtë javë,”-deklaroi ai.

Për objektivin titull tashmë nuk besojnë as vetë të kuqtë.

“Objektivi për pjesën e kampionatit që ka mbetur është të kapim kupën e Europës ose të fitojmë Kupën e Shqipërisë,”-u shpreh Murataj.

Pas 21 javësh kampionat Partizani renditet në vendin e pestë me 29 pikë, 8 më pak se Kukësi i vendit të tretë që është i fundit momentalisht që shkon në Kupat e Europës.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Protesta për VAR-in, pezullohet ndeshja në Norvegji

Protesta për VAR-in, pezullohet ndeshja në Norvegji

22 Korrik, 19:00