Disa fshatra të bllokuar nga dëbora në Përmet dhe Libohovë

Në qarkun e Gjirokastrës ka disa fshatra të bllokuar nga dëbora. Në Bashkinë Libohovë janë të bllokuar rrugët në njësinë Administrative Zagorie, fshatrat Zhej, Lliar, Konckë, Hoshtevë dhe Doshnicë prej disa ditësh. Në bashkinë Përmet rrugët rurale të Nj.Ad.Frashër në segmentin Bredhi Hotovës- Frashër, lëvizja bëhet me vështirësi me zinxhirë. Të bllokuara qëndrojnë rrugët e fshatrave Frashër, Miçan, Zavalan, Ogren për shkak të borës dhe ngricës. Ndërkohë që pa energji është fshati Zavalan. Në Bashkinë Këlcyrë, rruga Këlcyrë - Malëshovë - Leskaj - Limar vazhdon e bllokuar, ndërsa në rrugët rurale të fshatrave të tjerë ka vështirësi në lëvizjen e mjeteve.

Lajmi kryesor:

Dy viktima nga i ftohti në Durrës dhe Pogradec, vijojnë të bllokuar fshatrat në veri e verilindje, pezullohet mësimi në disa zona të thella

TAG:
• moti i keq
• Ajet Zikollari
• Viktor Dhima