Shqipëria ka radhën të drejtojë mbledhjen e Këshillit të Sigurimit. Ajo është zgjedhur për herë të parë anëtare jo e përhershme në organin e lartë të OKB-së për periudhën kohore 2022-2023, por pak muaj para se të dorëzojë “çelsat”, ka bërë atë që nuk patën mundësi ose nuk deshën ta bëjnë ish kryesueset: ka organizuar dhe drejtuar seancën mbi agresionin imperialist të një prej anëtarëve të përhershëm të Këshillit të Sigurimit. Rusia dje u vu për herë të parë zyrtarisht në bangën e të akuzuarit për sulmin ndaj Ukrainës, për grisjen dhe hedhjen poshtë të Kartës se OKB-së, për prishjen e paqes botërore, për shvleftësimin e Organizatës së Kombeve, pothuaj në mënyrë të pakorigjueshme. Është e kuptueshme se brënda kësaj strukture të seancës kemi praninë e Shteteve të Bashkuara dhe Britanisë. Kaq mjafton!
Vajti vetë kryeministri Rama te drejtojë seancën. Sharmi i tij, batutat inteligjente, qendrimi i spikatur kundër Rusisë dhe pro Ukrainës, u bënë lajm botëror. Kjo, siç po shohim, ka hidhëruar pamasë shumë individë e grupe në oborrin e fshatit tonë. Ata nuk shohin dhe s’duan të shohin Shqipërinë që drejton seancën, por duan të shohin Ramën armik. Të tillë e ka shpallur Kashei i Pavdekshem i përrallave ruse, non grata Sali.
Lumi i fyrjeve, vorbulla e të pëgërave që hidhen prej 24 orësh, gjeratorja e televizioneve të ngritura nga të vrarët në Gërdec ose nga trafiku i drogës, nuk po rreshtin së mallkuari njeriun që guxon t’i kundërvihet Rusisë. Edvin “komunisti”, “piktori i dështuar, djali i kriminelit, “basketbollisti pa vlera”, “Ramaforma” ai që ka dalë në plazh pa brekë dhe thonjtë i mbante të pa prerë, në vend që të izolohet ose burgoset prej çështjes McGonigal, fryhet para botës pa ja bërë syri tërr! “…Ky “i pacipë”, që ka futur ëngjëllin Beleri në burg dhe nuk e lejon të betohet, tani si kaposh ka marrë revan si Don Kishoti”!… Kur ecën me shkop dhe i kërrusur si i dënuar nga USA dhe Britania, kërkon ndihmë jo vetëm nga Greqia, por edhe nga vdekja!
Opozita e tromaksur nga koha kur Partia Socialiste dhe Rama fituan edhe një mandat tjetër për qeverisjen e vëndit, ende nuk e kanë marrë veten. Ndërsa lexoja sa shumë fyerje i bëheshin dhe urrejtje i shfaqeshin Edi Ramës prej mënyrës mbresëlënëse se si drejtoi seancën, nuk më zuri syri as nga spiunët IM dhe as nga klani non grata ndonjë vlerësim për mbrojtjen e përkorë që i bëri Pavarësisë së Republikës së Kosovës!?
Sali “demokrati”, që e humbi mundësinë të marrë partinë peng e të pastrojë nga vetja dhe familja akuzat mbi trafikun e influencës dhe korrupsionin, si mbetet përpos se të tërheqi zvarrë pengjet e tij dhe të mbajë ndezur makinerinë e shpifjeve, për ta drejtuar kundër Shqipërisë prej shkakut të armikut Rama!
Mëndje të nxehta, të dehura nga urrejtja, me këtë qendrim të fundit i japin edhe një mundësi tjetër të artë Ramës: ta mbajë pushtetin pa kufi. Mbase edhe 30 vjet të tjera! Shumica shqiptare, me inteligjecë të mjaftueshme për t’i kuptuar këto karikatura, qytetarë të përgjegjshëm ndaj vendit, që kanë dhënë prova se janë të përmbajtur, nuk ua japin më votën në shumicë. Do ngelin pafundësisht pakicë se nuk e duan këtë vend në paqe. Partia Socialiste dhe Rama, me shumë gjasa do thyejnë rekordin 58 vjeçar të Meksikës për jetgjatësinë e një partie socialiste në pushtet.
Mjaft me kaq se do keni kohë të dëgjoni e parë në vazhdim shumë antishqiptari të tjera! Ambasadori shqiptar në OKB, Ferit Hoxha, në cilësinë e Presidentit të Këshillit të Sigurimit, duke parë se ende shumë shtete kanë mbetur pa folur në mbledhjen e jashtëzakonshme të thirrur nga Shqipëria, e ka pezulluar takimin, për të rifilluar në pasditen e sotme, 21 shtator.
Së fundmi, u jap të drejtë të gjithë atyre që mbrojnë e kërkojnë reabilitim të figurës së Esat pashë Toptanit! Esati paska qenë një lodër fëmijësh para dumbabistëve të rinj.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
BRAVO ZOTI GAZETAR. PER FATIN E KEQ NE SHQIPERI KA SHUME SHPELLA DHE SI RJEDHOJ KA EDHE SHPELLARE ANTISHQIPETARE DHE ANTIAMERIKANE...
PërgjigjuKush të Benson ty është i verbuar o tradhtar, të gjitjë këtë halkat e ke bër nè dakordsi më rusoserbin o i mjerë …
Përgjigju