POP 5

Lajmet më të lexuara të 5 minutave të fundit

Sport

DISIPLINA/ Dhunoi arbitrin e ndeshjes, përjashtohet me 2 vite presidenti i Gramshit! Dënime edhe në Superligë

Presidenti i Gramshit, Andrit Bici është përjashtuar me dy vite nga të gjitha aktivitetet për dhunimin e arbitrit në Kategorinë e Dytë.

Komisioni i Disiplinës pranë Federatës Shqiptare të Futbollit ka dalë me vendimet për javën e fundit të aktivitetit. Presidenti i Gramshit, Andrit Bici (24 vjeç) është përjashtuar me dy vite nga të gjitha aktivitetet e futbollit për dhunimin e arbitrit në Kategorinë e Dytë. Gjithashtu Bici është përjashtuar nga çdo stadium. Nga ana tjetër, Gramshi do duhet t'i zhvillojë ndeshjet e mbetura në fushë neutrale. Në ndeshjes mes Gramshit dhe Valbonës fundjavën e shkuar, presidenti i klubit të Gramshit, Andrit Bici dhe babai i tij, Dritan Bici kanë goditur me grusht arbitrin Anxhi Lushi pasi ky i fundit akordoi penallti në favor të skuadrës së Valbonës.

Mësohet se Dritan Bici kishte shkaktuar problematika të tilla të ngjashme edhe vite më parë, në 2013-ën, kur ishte kryebashkiak nën siglën e Partisë Socialiste. Bici me makinë është futur në fushën e blertë duke thyer rrethimin e stadiumit të Gramshit, gjatë ndeshjes Gramshi-Mamurrasi dhe ka tentuar të dhunojë arbitrin e takimit. Dënim edhe për Bylis për sjelljen e gabuar të tifozëve, si edhe në gjithë kategoritë e tjera. Nuk mungojnë pezullimet e lojtarëve të Elbasanit dhe Pogradecit po në Kategorinë e Dytë, me lojtarët vendas që shfrynë kundër arbitrit.

Vendimet e plota:

  1. KF Bylis, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
  2. Lojtari i KF Turbina, Omer Musaj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
  3. Zyrtari i KF Turbina, Bledar Malaj, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  4. Lojtari i KS Korabi, Vilson Lila, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
  5. Zyrtari i Besëlidhjes, Artan Bano, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  6. Zyrtari i KF Vllaznia Ervis Plori, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  7. Zyrtari i KF Sopoti, Besnik Cota, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  8. Zyrtari i KF Sopoti ,Sazan Burra, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  9. Zyrtari i Iliria sh.a, Fatmir Sala, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  10. Lojtari i KF Pogradeci, Alfred Zefi, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 10 (dhjetë) ndeshje pezullim nga aktiviteti.
  11. Lojtari i KF Pogradeci, Olger Hyzellari, për sjellje josportive ndaj Zyrtarit të ndeshjes, në bazë të nenit 48/1/a të KDS, dënohet me 6 (gjashtë) ndeshje pezullim nga aktiviteti.
  12. Lojtari i KF Pogradeci, Andi Cela, për sjellje josportive ndaj Zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
  13. Lojtari i KF Pogradeci, Guedes Da Costa Carlos Henrique, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
  14. Lojtari i KF Pogradeci, Jurges Beqiri, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
  15. Zyrtari i KF Pogradeci, Nesti Binishi, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  16. Zyrtari i KF Pogradeci, Kopi Cerepi, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  17. Lojtari i AF Elbasani, Xhulio Jaupi, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
  18. Lojtari i AF Elbasani, Albi Gjolena, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
  19. AF Elbasani, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 100.000 (njëqind mijë) lekë. Në zbatim të nenit 116/1/a të KDS, gjoba të aplikohet në masën 20%.
  20. Zyrtari i KF Gramshi, Andrit Bici,për dhunë ndaj zyrtarit të ndeshjes, në bazë të neneve 48/2 dhe 55/1 të KDS dënohet me 2 vite përjashtim nga veprimtaritë futbollistike, garat dhe ose nga kampionatet kombëtare. Në zbatim të nenit 20 të KDS, zyrtarit i ndalohet hyrja në të gjitha stadiumet dhe aktivitetet sportive të organizuara nga FSHF deri në përfundim të dënimit.
  21. KF Gramshi, për dështim në përmbushjen e përgjegjësive duke mos garantuar sigurinë e zyrtarëve të ndeshjes, në bazë të neneve 24, 30, 63/1/c, 64/3/b, të KDS humbet ndeshjen në tavolinë me rezultatin 3-0 kundër Valbona FK dhe detyrohet të zhvillojë ndeshjet e mbetura të sezonit 2022-2023 të Kampionatit Kombëtar të Kategorisë së Dytë Grupi A, pa spektatorë.
  22. Lojtari i FC Dinamo U-19, Albi Azizi, për sjellje të keqe ndaj kundërshtarit, në bazë të nenit 47/1/f të KDS, dënohet me 6 (gjashtë) ndeshje pezullim nga aktiviteti.
  23. Zyrtari i KF Tirana U-14, Erald Deliallisi, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  24. Lojtari i FC Lushnja U-19, Klaudio Ibraliu, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  25. Zyrtari i KF Shkodra U-19, Flanres Çako, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  26. Lojtari i KF Shkodra U-19, Antonio Gjolaj, për sjellje josportive ndaj Zyrtarit të ndeshjes, në bazë të nenit 48/1/a të KDS, dënohet me 6 (gjashtë) ndeshje pezullim nga aktiviteti.
  27. Shënkolli U-17, për aktivizimin e një lojtari që nuk kishte të drejtë të luante në ndeshjen e vlefshme për Kampionatin Kombëtar të Kategorisë së Parë U-17, kundër FC Besa U-17, në bazë të neneve 30/3 dhe 53 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.

S.Dh/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41