POP 5

Lajmet më të lexuara të 5 minutave të fundit

Sociale

Dita Botërore e Autizmit, thirrje për mbështetje financiare! Fëmijët e talentuar ekspozitë me 60 piktura në presidencë 

Nga mungesa e shërbimeve gjithëpërfshirëse, qendrave të trajnimeve për fëmijët autik, mosnjohja e kujdestarisë së prindër vetë tyre në librezën e punës, ishin disa nga problematikat që u sollën në vëmendje në Ditën Botërore të autizmit gjatë një ekspozite të hapur në Presidencë

Sidriti luan në organo! Shoku i tij Soirdio 15 vjeç i bie kitares. Dhe Nikolasi që i pëlqen të këndoj. Këto janë vetëm 3  nga fëmijët autik të cilët ky çrregullim nuk i ka penguar në ushtrimin e talenteve të tyre.

Në ditën botërore të autizmit Nikolasi  22 vjeç, që i shkëlqejnë sytë tregon për pikturën dhe muzikën

“Kitara, pasioni është muzika, pasioni është talenti dhe arti. Në fakt jam shumë i lumtur dhe i emocionuar që ndodhem në presidencë për herë të parë.”- tha Nikolasi.

Presidenti i republikës Ilir Meta hapi dyert për 60 piktura të realizuar nga disa fëmijë autikë, ku dhe u paraqitë 60 punime nëpërmjet kësaj ekspozite.

Presidenti kërkoi që për këtë target grup të shoqërisë nuk duhet të  mungoj asnjëherë mbështetja finaciare, mbi të gjitha tek gjithëpërfshirja në arsim.

“Që fëmija të jetë në gjendje të ketë aftësitë e nevojshme për të përballuar jetën dhe për t’u integruar me sukses.”-tha Ilir Meta, president në këtë ditë u fol shumë edhe  problemet  me te cilat përballen prindërit me fëmijë të spektrit autik.

“Kanë ngelur në fokus shumë të ulët dhe për të thënë që po shkojnë drejt varfërisë. Kërkojmë që pediatrit të jenë të trajnuar në mënyrë që vetë fëmijët të diagnostifikohen më shpejt dhe prindërit t’i pranojnë. Një problematikë shumë të madhe ne kemi që në moshën 15 vjeçare këto fëmijë janë jashtë fokusit sepse nuk ofrohet më asgjë, nuk ofrohet asnjë terapi. Kujdestaria të njihet si profesion pune i rregulluar.”- tha Eglanitina Bajrami, drejtoreshw e programit ÇSA dhe PAK.

“Ajo që duhet të bëjmë është që ne duhet të mësohemi dhe të ndërtojmë shërbime.”

Rendit zhvillimet sipas orarit:
Ora 12:53
Dita Botërore e Autizmit, ministrja e Arsimit: Ti nuk je vetëm në këtë botë

Ministrja e Arsimit dhe Sportit Evis Kushi ka dhënë mesazhin e saj në Ditën Botërore të Autizmit, me një video të momenteve nga aktiviteti me fëmijët e Shkollës Speciale "Luigj Gurakuqi" në Tiranë.

Ekspozita e pikturës, këndi senso-rekreativ dhe koncerti i organizuar në palestrën e shkollës, i shtuan ngjyra dhe emocione kësaj dite, duke përcjellë mesazhe ndërgjegjësuese dhe duke përqendruar vëmendjen tek këta fëmijë.

Në statusin e saj shoqërues të videos së veçantë ajo shpreh angazhimin për të punuar më shumë që të sigurojë të drejtat dhe mirëqënien e tyre.

‘Shikoni sa të mrekullueshëm janë këta fëmijë që takova në Shkollën Speciale "Luigj Gurakuqi" Tiranë, të cilët me rastin e Ditës Botërore të Autizmit kishin përgatitur një koncert shumë mbresëlenës së bashku me mësuesit e tyre të përkushtuar. Ne do të punojmë më shumë për të siguruar të drejtat dhe mirëqënien e tyre.’- thuhet në mesazhin e ministres.

M.Q./Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sot Kukësi sfidon Egnatian në finalen e Superkupës, rrogozhinasit kërkojnë 'tripletën'

Sot Kukësi sfidon Egnatian në finalen e Superkupës, rrogozhinasit kërkojnë 'tripletën'

26 Dhjetor, 08:42