Dita Botërore e Talasemisë/ Presidenti Meta : Opinioni publik duhet të ndërgjegjësohet!

Dita Botërore e Talasemisë/ Presidenti Meta : Opinioni publik duhet të ndërgjegjësohet!

Ilir Meta gjate aktivitetit te sotem per talasemine

“Të parandalosh Talaseminë është e mundur” , ishte ky slogani i konferencës i cili u organizua ditën e sotme nga shoqata e talasemikëve të Shqipërisë në bashkëpunim me Organizatën shqiptare të dhuruesve vullnetarë të gjakut si dhe shoqatës italiane të dhuruesve të gjakut “Avis” Olbia në kuadër të ditës botërore të talasemisë. Në këtë konferencë ishin pjesëmarrës Presidenti i vendit Ilir Meta, ambasadori italian në Shqipëri Alberto Cutillo dhe të tjerë emra e personalitete të njohur.

Zoti Meta shprehu nevojën që të gjithë të rinjtë duhet të ndërgjegjësohen duke marrë më shumë informacion rreth kësaj sëmundjeje.

Ndërkaq Ambasadori italian në vendin tonë Alberto Cutillo e vendos shëndetin e pacientëve në vend të parë.

Kryetarët e shoqatave për talaseminë dhe dhurimin e gjakut , në fjalën e tyre shprehin nevojën që qytetarët duhet të kenë një ndërgjegjësim më të madh rreth kësaj sëmundjeje.

E pranishme në konferencë, Ermela Zenelaj , një paciente e diagnostikuar me talasemi tregoi se siguria e medikamenteve që të sëmurët marrin është gjëja më shqetësuese e përditshmërisë së tyre.

Gjatë Konferences të organizuar nën kujdesin e presidentit të organizatës së dhuruesve vullnetarë të gjakut, Natale Capodicasa, presidenti Meta i dha shoqatës së talasemikëve edhe një titull për merita të veçanta civile dhe pas fjalës së tij ai vetë dhuroi gjak i cili do të shkojë në ndihmë të personave me talasemi.

Në Shqipëri frekuenca e bartësve të sëmundjes gjenetike të talasemisë llogaritet rreth 7%, afërsisht 200 000 persona dhe vihet re më së shumti në zonat e ultësirës perëndimore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Vrasja e 44-vjeçarit në Shkodër, shpallet në kërkim autori

Vrasja e 44-vjeçarit në Shkodër, shpallet në kërkim autori