POP 5

Lajmet më të lexuara të 5 minutave të fundit

Shëndeti

Dita botërore e zemrës, konsulta falas në pedonalen e Tiranës! 90 mijë të prekur nga sëmundje kardiovaskulare në vend

Sëmundjet e zemrës po shënojnë rritje duke prekur edhe moshat e reja vitet e fundit. Në ditën botërore të ndërgjegjësimit në pedonalen e kryeqytetit u zhvillua një fushatë ndërgjegjësuese nga ekspertë të shëndetësisë ku u kryen falas konsulta me mjek specialistë. Ata apeluan për kujdes të shtuar dhe ushqyerje të shëndetshme pasi sëmundjet e zemrës ishin shkaktar i 54% të vdekjeve në 2022.

Sëmundjet e zemrës po shënojnë rritje duke prekur edhe moshat e reja vitet e fundit. Në ditën botërore të ndërgjegjësimit në pedonalen e kryeqytetit u zhvillua një fushatë ndërgjegjësuese nga ekspertë të shëndetësisë ku u kryen falas konsulta me mjek specialistë. Ata apeluan për kujdes të shtuar dhe ushqyerje të shëndetshme pasi sëmundjet e zemrës ishin shkaktar i 54% të vdekjeve në 2022.

Mbi 90 mijë persona janë të prekur nga sëmundjet Kardiovaskulare në vendin tonë ndërsa 1 në 2 persona kanë faktor risku për rritjen e nivelit të yndyrave në gjak.

Nën moton “Duaje Zemrën tënde” në ditën botërore të zemrës pedonalja e Tiranës u shndërrua  në një miniqendër shëndetësore ku u kryen falas konsulta me mjek specialist për të gjithë kalimtarët e interesuar.

“Kam pak marrje mendsh ndonjëherë”

Gjergji 75 vjeç, nuk nguroi t’i afrohej bluzave të bardha për të zhvilluar një konsultë me doktoreshë Evën e cila i bëri matje të tensionit dhe kolesterolit .

“Matja u bë dhe kam dalë shumë mirë. Është normale.”

Adil Mustafa është vetë mjek gjinekolog në një klinikë private. Rastësisht i gjendur aty ai nuk nguroi të bëjë detyrën e tij si qytetar i ndërgjegjësuar. Një kontroll i parametrave të yndyrav dhe tensionit nuk i bën aspak keq askujt thotë ai.

“Bëhet për sensibilizim të situatës. Mirë është.”

Ekspertët e shëndetësisë tregojnë se sëmundjet kardiovaskulare kanën prekur vitet e fundit dhe moshat e reja, ndaj kujdesi duhet shtuar. Obeziteti duhani dhe qëndrimi ulur listohen si shkaqet kryesore.

“Kryesisht rreziku më i madh është për moshat e vjetra. Sigurisht ka prekje dhe të moshave të reja, por rreziku dhe incidenca e sëmundjeve të zemrës rritet me moshën.Më të rrezikuarit janë dhe meshkujt , por rreziku për gratë rritet pas menopauzës. Rekomandojmë një stil jetese tè shëndetshëm, të mos pihet duhan, 30 minuta aktivitet fizik në ditë.- tha Dorina Toçi.

“Ne vërtet nuk mund të ndryshojmë gjenet, por mund të ndryshojmë stilin e jetesës. Mund të mjekojmë shumë mirë hipertensionin arterial. Parandalimi duhet të jetë në thelb të mjekësisë moderne.”- tha Mihal Tase.

Sipas të dhënave referuar Institutit të Statistikave, për vitin 2022, më shumë se gjysma e vdekjeve erdhi si pasojë e sëmundjeve të aparatit të qarkullimit të gjakut. Rreth 54% e vdekshmërisë ose 13 mijë persona humbën jetën nga sëmundjet e aparatit të qarkullimit të gjakut ku përfshihen dhe sëmundjet e zemrës.

G.MO/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24