POP 5

Lajmet më të lexuara të 5 minutave të fundit

Sociale

Spitalet vuajnë mungesën e gjakut! Kryqi i Kuq: Nevojat janë të mëdha, vetëm 25% dhurues të sensibilizuar! I bashkohet nismës sopranoja Inva Mula

Nevoja për gjak mbetet e lartë në vendin tonë ndërsa shifrat e dhurimit vullnetar mbeten të ulëta duke mbuluar vetëm 25% të nevojave. Në ditën ndërkombëtare të vullnetarizmit u çel fushata e dhurimit të gjakut ku sopranoja shqiptare më famë ndërkombëtare Inva Mula u bë pjesë dhe dhuroi gjak.

Në Shqipëri nevojiten rreth 40 mijë njësi gjaku në vit, por statistikat tregojnë se shifrat e dhurimit vullnetar zënë vetëm 25% të totalit.

Në ditën ndërkombëtare të vullnetarizmit Artur Katuçi, Sekretar i Përgjithshëm i Kryqit te Kuq thotë se nevojat më të shumta për gjak i kanë talasemikët dhe të aksedentuarit rëndë.

“Në Shqipëri nevojat për gjak janë të mëdha. Është sëmundja e talasemisë, por dhe një sërë operacionesh dhe sëmundjesh tjera që kanë nevojë për gjak. Nevojat shkojnë te rreth 40 mijë njësi gjaku në vit mesatarisht. Vetëm nga dhurimet vullnetare arrihen deri në 25%  e sasisë sè nevojshme të gjakut. Sasia është e pakët, gjithmonë e pakët, por duhet të kemi parasysh se disa vite më përpara përqindja  e dhuruesve vullnetar ishte e papërfillshme.”-tha Artur Katuçi, Sekretar i Përgjithshëm i Kryqit te Kuq.

Nën moton “Vullnetarizmi na bashkon të gjithëve” në aktivitetin e organizuar nga Kryqi i Kuq dhe Teatri Kombëtar i Operas dhe Baletit, sopranoja shqiptare me famë ndërkombëtare Inva Mula dhuroi gjak.

Inva ndan me ne historinë e saj personale që e ka kthyer në një dhuruese të rregullt të gjakut të paktën 2 herë në vit.

“Në fakt nuk është iniciativë e sotme. Kjo iniciativë është pjesë e jetës time, pasi para disa viteve jam përballur me një rast ku një I afërm nuk kishte mundësi të jepte gjak dhe kërkonte. Unë në mënyrë shumë instiktive , thashë: Unë do ta bëj diçka të tillë. Në momentin që shkoj në spital dhe shikoj sa I nevojshëm ishte gjaku në atë moment të njeriut të shëndetshëm, atëherë vendosa që kjo të bëhet dy herë në vit nga ana ime në mënyrë vullnetare.”- tha Inva Mula.

Në të gjithë vendin janë rreth 600 fëmije talasemikë që kanë nevojë për transfuzion gjaku në mënyrë të vazhdueshme .

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • UKU MOMLIT: 05/12/2022 17:34

    Mungesa e gjakut eshte problem,por jo me pak e rendesishme eshte mungesa e medikamenteve cilesore. Prodhimet e ish profarmes sot te sipermarresit politikan te shpalĺur nongrata tomdoshi,mbulojne pothuaj tere sherbimet publike spitalore..mjeket mbajne koken ulur dhe pacientet e shkrete blejne medikamentet cilesore te domosdoshme per jeten.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me të paktën 70 pasagjerë në bord! 6 të mbijetuar

Kazakistan/ Rrëzohet avioni me të paktën 70 pasagjerë në bord! 6 të mbijetuar

25 Dhjetor, 08:46