POP 5

Lajmet më të lexuara të 5 minutave të fundit

Sociale

Dita Ndërkombëtare e Arsimit, PNUD në Shqipëri: Investimit në edukim, më e mira për të ardhmen! Me partnerët, po punojmë në ndërtimin e saj për brezat e rinj

Me rastin e Ditës Ndërkombëtare të Arsimit, përmes një postimi në rrjetet sociale në llogarinë e Programit të Kombeve të Bashkuara për Zhvillim (PNUD Shqipëri) theksohet rëndësia e investimit në edukim, si investimi më i mirë për të ardhmen.

Dita Ndërkombëtare e Arsimit, PNUD në Shqipëri: Investimit në edukim, më e mira për të ardhmen! Me partnerët, po punojmë në ndërtimin e saj për brezat e rinj

Shkollë e rindërtuar pas tërmetit të vitit 2019

Sot, në Ditën Ndërkombëtare të Arsimit, Programi i Kombeve të Bashkuara për Zhvillim Shqipëri ka nënvizuar rëndësinë e investimit në edukim, si investimi më i mirë për të ardhmen.

Nëpërmjet një postimi në llogarinë në rrjetet sociale të PNUD-së në Shqipëri, ndër të tjera, nënvizohet se në bashkëpunim me partnerët ndërkombëtarë, po rindërtohen objekte arsimore të shkatërruara ose dëmtuara nga tërmeti i vitit 2019 në Shqipëri në kontekstin e programeve/projekteve të ndryshme në arsim.

Një prej tyre është Programi “EU4Schools”, i financuar nga Bashkimi Evropian dhe zbatuar nga PNUD Shqipëri, i cili po ndërton apo riparon më shumë se 60 objekte arsimore në 11 nga bashkitë më të prekura nga tërmeti i 26 Nëntorit, 2019. Deri tani, kanë përfunduar 37 objekte arsimore.

Projekti “Mbështetja Kroate për Rimëkëmbjen e Arsimit” (CERS), i financuar nga qeveria kroate dhe zbatuar nga UNDP, është një tjetër projekt që ka mundësuar rindërtimin e shkollës 9-vjeçare & kopshtit “Iliria” në Bashkinë Krujë. Në këtë objekt arsimor të ri dhe modern përfitojnë 156 nxënës e fëmijë dhe 13 pjesëtarë të stafit akademik.  

Gjithashtu, projekti “Mbështetja për Infrastrukturën Komunitare (CIS)”, me financim nga qeveritë e Danimarkës dhe Mbretërisë së Bashkuar, po rindërton/riparon 3 objekte arsimore në Bashkinë Durrës. Falë kësaj ndërhyrjeje, 740 fëmijë e nxënës janë përfituesit e drejtpërdrejtë.  

Sipas PNUD Shqipëri, ndërtimi i këtyre objekteve arsimore është realizuar mbi bazën e parimeve të “Rindërtojmë më mirë” dhe “Rindërtojmë së bashku”, duke garantuar cilësi dhe siguri për përfituesit, si dhe duke angazhuar komunitetin në procesin e rindërtimit.  

“Ndërhyrjet tona nuk konsistojnë vetëm në rindërtimin e shkollave, por edhe në përmirësimin e jetës së komuniteteve. Me partnerët tanë si Bashkimi Evropian, Qeveria e Kroacisë, Qeveria e Danimarkës dhe Qeveria e Mbretërisë së Bashkuar, ne po kontribuojmë në ndërtimin e një të ardhmeje më të mirë për brezat e rinj të Shqipërisë”- shprehet Përfaqësuesja e Përhershme e PNUD në Shqipëri.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

25 Dhjetor, 14:55