POP 5

Lajmet më të lexuara të 5 minutave të fundit

Kronikë

Dita ndërkombëtare e Lirisë së Shtypit/ Meta thirrje gazetarëve: Denonconi shantazhet dhe presionet

Në Ditën Ndërkombëtare të Lirisë së Shtypit presidenti Meta i ka bërë thirrje të gjithë gazetarëve që të unifikohen në qëndrime dhe të denoncojnë hapur dhunën, shantazhin por edhe kushtet e papërshtatshme të punës

Dita ndërkombëtare e Lirisë së Shtypit/ Meta thirrje gazetarëve: Denonconi shantazhet dhe presionet

Ilir Meta

Në Ditën Ndërkombëtare të Lirisë së Shtypit presidenti Ilir Meta i ka bërë thirrje të gjithë gazetarëve që të unifikohen në qëndrime dhe të denoncojnë hapur dhunën, shantazhin por edhe kushtet e papërshtatshme të punës.

Ai shpreh mbështetjen e tij për ta duke thënë se duhet të triumfojnë sepse shqiptarët s’mund të kthehen 30 vite pas për të ndjekur Zërin e Amerikës apo Deutsche Welle-n, që të kuptojnë se çfarë ndodh në atdheun e tyre.

Duke cituar raportet e “Freedom House” dhe “Reporterëve pa kufij” Meta e cilëson Shqipërinë se vend me liri të pjesshme të medies, situatë e cila thotë ai, duhet të marrë fund.

"Dita Ndërkombëtare e Lirisë së Shtypit e gjen sot Shqipërinë të renditur ndër vendet me liri të pjesshme të medias. Shqetësimet e thella të ngritura në raportet e fundit të “Freedom House” dhe “Reporterëve pa kufij”, për fatin e keq, vijojnë të hasin në vesh të shurdhët. Shtypi ynë sot, edhe sipas këtyre organizatave, është më pak i lirë dhe i pavarur, mediat goditen nga retorika agresive dhe kërcënuese, rastet e dhunës ndaj gazetarëve janë shpeshtuar dhe tentativat për të përdorur fondet publike për të kontrolluar lirinë e shprehjes janë alarmante. 
Kjo situatë duhet të marrë fund! Media e lirë luan rol kyç për të garantuar llogaridhënien dhe mirëqeverisjen. Praktikat e mohimit të së drejtës së gazetarëve për të ndjekur drejtpërdrejt veprimtarinë e autoriteteve publike duhet të ndalen. Sepse çdo goditje ndaj institucionit të medias, është sulm ndaj demokracisë.
Të dashur gazetarë, 
Duke ju uruar këtë ditë, ju ftoj pa humbur kohë të unifikoheni në qëndrime, larg autocensurës, të denonconi hapur dhunën, shantazhin e presionet, gjuhën e urrejtjes e frikësimit, por dhe kushtet e papërshtatshme të punës. 
Ndryshimi është në dorën tuaj dhe fillon nga përhapja e informacionit të vërtetë, pa pritur më që lirinë e shprehjes t’ua servirë politika apo grupet e saj klienteliste.
Të dashur gazetarë që keni vendosur të mos tradhëtoni profesionin e misionin tuaj, jam pranë jush dhe sakrificave që bëni për të mbrojtur dinjitetin tuaj dhe fjalën e lirë!
Ju do triumfoni sepse shqiptarët s’mund të kthehen 30 vite pas për të ndjekur Zërin e Amerikës apo Deutsche Welle-n, që të kuptojnë se çfarë ndodh në atdheun e tyre", shkruan Meta.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilo: 03/05/2019 16:35

    Bravo Like edhe ti kazan

    Përgjigju
  • Drejtësia po vjen: 03/05/2019 10:03

    Bravo z president,,por edhe ata që ke shantazhuar ti zotrote,,,apo jo

    Përgjigju
  • WTF: 03/05/2019 09:37

    Ujku i thote deleve denonconi ujkun!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

24 Nëntor, 08:59