Dita Ndërkombëtare e Paqes, Meta: Krenar për rolin që ka luajtur Shqipëria për ruajtjen e stabilitetit në rajon

Sot në ditën Ndërkombëtare të Paqes, kryetari i Partisë së Lirisë, Ilir Meta ka shprehur nderime për personalitetet që sakrifikuan jetën për shuarjen e konflikteve.

Meta thekson se është krenar për rolin ndër vite dhe në mënyrë të pandërprerë që Shqipëria ka luajtur në drejtim të ndërtimit të paqes dhe ruajtjes së stabilitetit në rajon e më gjerë

Sipas Metës, një Shqipëri më demokratike dhe e begatë do të jetë një kontribut i shtuar për paqen.

‘Kjo ditë e shënuar këtë vit merr një rëndësi edhe më të madhe, pasi paqja dhe stabiliteti u cënuan rëndë si rezultat i agresionit rus në Ukrainë.

Nderim dhe respekt për të gjithë ata personalitete, të cilët jetën dhe përpjekjet e tyre ja dedikuan shuarjes së konflikteve dhe luftërave të përgjakshme për të rivendosur paqen dhe për ta bërë botën një vend më të mirë dhe më të sigurtë për brezat e së ardhmes.

Krenar për rolin ndër vite dhe në mënyrë të pandërprerë që Shqipëria ka luajtur në drejtim të ndërtimit të paqes dhe ruajtjes së stabilitetit në rajon e më gjerë. Një Shqipëri më demokratike dhe e begatë do të jetë një kontribut i shtuar për paqen.'- shkruan Meta.

Për çdo vit Dita Ndërkombëtare e Paqes shënohet në 21 Shtator. Asambleja e Përgjithshme e Kombëve të Bashkuara e shpalli këtë ditë si ditë të përforcimit të idealeve për paqe mes gjithë kombeve dhe kombësive.

M.Q./Shqiptarja.com

TAG:
• Ilir Meta
• dita nderkombetare e paqes