Dita ndërkombëtare e romëve, filma dhe ekspozita: ‘Mbivendosje’ nga Ferdinant Koçi! Në Shtëpinë e Europës filmi ‘20 ditë në Mariupol’

Qëndron e hapur sot e nesër në qendrën e artit “Agimi” në Tiranë ekspozita e fotografit Xhemali Moku “Komuniteti mes imazheve”. Ndërsa prej orës 17.00 do të shfaqen dokumentarë e filma për jetën e komunitetit rom në Shqipëri e botë.

Në kuadër të Ditës Ndërkombëtare të Romëve, shfaqet sot në orën 18.30 në kinema “Milenium” dokumentari “Rrugëtimi” që rrëfen zhvendosjen e banorëve të komunitetit nga Bregu i Lumit në Lanabregas.

Çelet sot në orën 17.00 në Parking Art Gallery në Tiranë ekspozita personale e Ferdinant Koçit “Mbivendosje” e kuruar nga Sead Kazanxhiu.

Pret vizitorët deri në 27 prill në Muzeun "Marubi" në Shkodër ekspozita "Felice Beato dhe Adolfo Farsari - Dy italianë në Lindjen e Largët".

Shfaqet sot e nesër në orën 19.00 në teatrin “Aleksandër Moisiu” në Durrës shfaqja “7 minuta” me regji të Driada Dervishit, dhe me pjesëmarrjen e akoreve Yllka Mujo e Luiza Xhuvani.

Vijon e hapur deri në 21 prill në Qendrën Kulturore Tulla ekspozita vetjake e Shkamb Jakës, “Teknotopia: Është kjo Hiperreale?”, e kuruar nga Labinot Kelmendi.

Shfaqet sot në orën 18.30 në Shtëpinë e Europës në Tiranë filmi "20 ditë në Mariupol" i vlerësuar me çmim "OSCAR" si "Dokumentari më i mirë" me regji të Mstyslav Chernov.

Qëndron e hapur deri në 26 prill në sallat ekspozuese të bibliotekës “Thimi Mitko” në Korçë ekspozita “Mbetjet e paranojës” me fotografi të mjeteve të rënda ushtarake të dokumentuara nga Diebold.

Vijon sot dhe nesër në orën 19.00 në teatrin “Zonja e Bujtinës” mbahet monokomedia “Njeriu i pyllit” me regjisorin e aktorin Naun Shundi.

Qëndron e hapur deri në  13 prill në galerinë “FAB” në Tiranë ekspozita e artistit Ilir Kaso “Ky nuk është një suvenir”.

Pret  vizitorët deri në 5 maj në galerinë “Zeta” në Tiranë ekspozita “Petale të panumërta” si  bashkëpunim i 6 artistëve shqiptarë e sirianë.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Zyrtare/ Befasi nga mesfushori i Real Madrid, Toni Kroos tërhiqet nga futbolli pas Europianit 2024

Zyrtare/ Befasi nga mesfushori i Real Madrid, Toni Kroos tërhiqet nga futbolli pas Europianit 2024