Ditari i një inspektori, Studenti:
Shekspiri? E kam parë  2 herë...

TIRANE - Universitetet shqiptare janë kthyer në një format për krijimin e barcaletave për të qeshur. Duket çudi por janë të vërteta. Në Shqipëri të huajt marrin diplomë kur nuk dinë asnjë fjalë shqip. Ndërsa të tjerë studentë në vend të emrit të tyre shkruajnë “unë filan fistekja” sepse kështu i ishte dhënë shembulli nga sekretaria.

Shqiptarja.com siguron ditarin e mbajtur gjatë kontrolleve nëpër universitete nga një inspektor të ministrisë. Një dokument ekskluziv që tregon sa e rënde është situata që kryeministri Edi Rama e ka cilësuar “rrënqethëse” . Në ditarin e inspektorit vërehen edhe pronarë që u japin diploma studentëve pa ndjekur shkollën.