POP 5

Lajmet më të lexuara të 5 minutave të fundit

Kronikë

Ditë zie për artin shqiptar, ndahet nga jeta shkrimtari dhe regjisori i njohur nga Durrësi

Ndahet nga jeta Gjergj Vlashi, një ndër intelektualët më të shquar të qytetit të Durrësit, si shkrimtar, përkthyes dhe artist.

Ditë zie për artin shqiptar, ndahet nga jeta shkrimtari dhe regjisori i njohur nga Durrësi

Gjergj Vlashi

Është ndarë nga jeta në moshën 92 vjeçare Gjergj Vlashi.  Ai ishte një ndër intelektualët më të shquar të qytetit të Durrësit, si shkrimtar, përkthyes dhe artist. Ai u lind në Durrës më 13 korrik 1928.

Shkollën fillore dhe të mesme e kreu në qytetin e lindjes. Që në vitet e para të pas luftës u mor me teatrin amator dhe debutoi në disa shfaqje si “Nën gështenjat e Pragës’, “Prefekti”, “Çani hoxhë”, etj.

Pas shërbimit ushtarak punoi si regjisor ne klubin e portit detar dhe në vitin 1957 u emërua regjisor në shtëpinë e kulturës. Më 5 maj të vitit 1960 u krijua trupa e estradës profesioniste dhe u caktua regjisor, detyrë që e mbajti deri në vitin 1990, kur doli në pension.

Ndërkohë ka punuar me shumë trupa të tjera, duke vënë shfaqje në Tiranë, Shkodër, Korçë, Lushnje, Pogradec, me Estradën e Ushtarit, etj. Ka punuar për disa vite si pedagog i jashtëm në Institutin e Lartë të Arteve në Tiranë. Ka marrë pjesë me trupën e Durrësit në shumë festivale, duke fituar disa çmime të para.

Gjithashtu është autor i librit “Si vihet në skenë një shfaqje estradë” dhe i shumë artikujve e studimeve për estradën dhe teatrin. Krahas punës si regjisor ka zhvilluar një veprimtari të dendur letrare, si shkrimtar dhe përkthyes. Për shumë vite Gjergj Vlashi ka qenë regjisor i estradës profesioniste të qytetit të Durrësit deri kur doli në pension në vitin 1990.

Me të lidhet një pjesë e historisë  e artit durrsak pas çlirimit të vendit. Me dhjetëra shfaqje të trupës së estradës së Durrësit mbajnë vulën e tij. Aktorë si Ramazan Njala, Enver Likmeta, Fadil Hasa, Spiro Strati, Aishe Stari, Lumturi Dashi etj rritën performancën e tyre artistike nën drejtimin e regjisorit Vlashi.

Njohës i disa gjuhëve të huaja, Gjergj Vlashi solli në shqip Franc Kafkën me veprat "Metamorfoza" dhe "Proçesi", si dhe shkroi tregime, novela e romane.

Gjergj Vlashi mban titujt "Qytetar Nderi" i Durrësit,"Mjeshtër i Madh" dhe "Nderi i Kombit".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sifi: 04/10/2020 15:24

    Gjergj Vlashi dhe Vangjel Toci emblema te kultures dhe qytetarise durrsake .I paharruar qofte kujtimi per Gjergj Vlashin .

    Përgjigju
    • Shpetim Kodra: 07/10/2020 19:25

      Gjergj Vlashi-emblema e kultures dhe artit ne Durres. Qytetar model qe la gjurme te ndritur me virtytet e imazhin e tij fisnik.Me e forte se vdekja do te mbetet kujtimi per te. Krijues polivalent, poliedrik.Erudit i rralle e modest Poliglot e perkthyes i palodhur ne disa gjuhe. Themelues i estrades me mbi 120 shfaqje.Prozator i shquar ne tregime, novela,romane. Kontribuoi ne tri opereta,ne drame e teater kukullash.Veprimtar i perhershem ne Degen e Lidhjes se Shkrimtareve,ne shoqaten "Durresi" e ne Keshillin e intelektualeve. I pranishem kurdohere ne tubimet letrare,artistike,me keshillat e sentencat e tij lakonike.Simbol i korrekteses.Vdekja nuk eshte fundi i jetes,por fillimi i perjetesise per njerez te rralle si ai.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56