Ditët e hapura të vaksinimit, Braçe apel: Vaksinohuni, mund të infektohesh kudo dhe kurdo

Ditët e hapura të vaksinimit, Braçe apel: Vaksinohuni, mund të infektohesh kudo dhe kurdo

Erion Braçe

Teksa numri i të infektuarve me COVID-19 në vendin tonë gjatë 24 orëve është rritur, zv.kryeministri Erion Braçe ka bërë apel për qytetarët që të vaksinohen pasi mund të infektohen kudo. Sipas tij, vetëm kështu mund t'i përgjigjemi rritjes së infektimeve.

Me nisjen e ditëve të hapura të vaksinimit, Braçe ka bërë dhe një bilanc të numrit të personave që janë vaksinuar ditën e sotme, ku përkatësisht 118 qytetarë janë vaksinuar në Divjakë dhe 307 në Lushnjë.

"Vaksinohu tani! Sot- deri tani në Divjakë arritëm në 118 vaksinime, në Lushnjë arritëm në 307 vaksinime. Shumë mirë e në rritje nga dje.

Por pak sërish. Ndërkohë që dita shënoi rritje të infektimeve, duhet patjetër t’i përgjigjemi shpejt me rritje të vaksinimeve.

Mos e neglizho! Mund të infektohesh kudo dhe kurdo nëse nuk je vaksinuar! Virusi po qarkullon vetëm mes të pavaksinuarve”, shkruan Braçe.

Ditën e djeshme në vendin tonë kanë nisur ditët e hapura të vaksinimit që do të zgjasin deri të dielën. Çdo qytetar mbi 18 vjeç mund të paraqitet me kartën e identitetit në pikën më të afërt të vaksinimit për të marrë vaksinën kundër koronavirusit.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet