Arrestohet në Divjakë 39-vjeçari Ridon Allka i cili një ditë më parë aksidentoi kalimtaren 70-vjeçare me inicialet D.C e cila ndodhet në Spitalin e Traumës Tiranë, nën kujdesin e mjekëve.
 
Allka pas aksidentit u largua nga vendngjarja dhe vetëm sot u bë e mundur arrestimi i 39-vjecarit.

Aksidenti ndodhi ditën e djeshme në aksin rrugor ‘Klubi i Shoferit-Divjakë’ ku Allka po drejtonte një mjet tip ‘Linfan’ pa targa e pas aksidentit u largua nga vendngjarja.
 
Materialet i kaluan Prokurorisë pranë Gjykatës së Shkallës së Parë Lushnje për veprat penale "Shkelje të rregulave të qarkullimit rrugor" dhe "Largim nga vendi i aksidentit" parashikuar nga Nenet 290 dhe 273 të Kodit Penal.

Redaksia Online
e.m/Shqiptarja.com