Djali i ish-liderit të rrëzuar të Libisë, Muammar Gaddafi, Saif al-Islam, ka dorëzuar kandidaturën për zgjedhjet presidenciale në Libi që planifikohen të mbahen më 24 dhjetor.
Drejtori i shtypit i Komisionit të Lartë të Zgjedhjeve të Libisë, Halid al-Manai, në deklaratën për AA konfirmoi se Saif al-Islam Gaddafi, duke shkuar në zyrën e komisionit në qytetin Sabha, zyrtarisht ka aplikuar për kandidaturën e tij në zgjedhje.
Me këtë, Gaddafi u shfaq për herë të parë që prej rrëzimit të regjimit të babait të tij në vitin 2011.
![](https://shqiptarja.com/template/img/NO_ALFA_Kuadrate shqiptarja.png)
Gaddafi kërkohet nga Gjykata Ndërkombëtare Penale (ICC) për krime kundër njerëzimit. Gjithashtu edhe Zyra e Kryeprokurorit Ushtarak të Libisë kishte lëshuar një urdhër-arresti për Saif al-Islam me akuzat për "vrasje" dhe "përdorim mercenarësh".
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)