Familjarët e Bledar Terpollarit, i cili u gjet i vrarë një javë më parë në Greqi, i bëjnë apel shtetit që tu kthejë trupin e djalit.
 
Me lotë në sy ata kërkojë që ti bëjnë djalit nderimet e fundit.
 
Në mes të skamjes, prindërit e Bledar Terpollarit dhe vëllai i tij invalid, presin të afërmit për ngushëllim, por ende nuk kanë parë trupin e djalit të tyre.
 
Kujtim Terpollari, babai i Bledarit, e ka të pamundur të flasë, por mes lotëve ai kërkon që ti kthehet trupi i djalit.

“Kërkoj sa më parë nga qeveria që të më kthejë trupin e djalit. Të mbërrijë sa më parë” tha ai.

Nëna e Bledar Terpollarit, shprehet për Report TV se djali iku në emigracion për shkakto varfërisë dhe ai pononte si çoban.

Ajo shprehet se po bën dy vitet pa e parë djalin ndërsa kontaktet e fundit i kishte pasur vetëm një javë më parë. 

“Unë kontaktet me djalin i kam pasur para një jave. Kam folur dhe e kam pyetur, më ka thënë se po merrej me bagëti. I thashë se kur do të vinte dhe ai më tha se nuk mundet. Kisha dy vite pa e parë djalin tim. Dua që shteti të ma kthejë djalin sa më parë që ti bëj nderimet e fundit” tha nëna e saj.

Banesa e Bledar Terpollarit ndodhet në fshatin Back të Potomit në Skrapar.
 
Veç largësisë nga qëndra e banuar, kjo familje përballet çdo ditë me varfërinë dhe pamundësinë për të siguruar jetesën.
 
 Redaksia Online
(F.T/shqiptarja.com)