Nga dita e nesërme do të ketë një inspektim në shkallë vendi në çdo objekt për masat dhe mjetet për rritjen dhe garantimin e sigurisë publike nga zjarri dhe shpëtimi. Ky është urdhri i ri i dhënë sot nga ministria e Brendshme që do të zbatohet në mënyrë periodike, për masat e mbrojtjes nga zjarri.
"Në ushtrim të kompetencave si Ministër i Brendshëm për orientimin e zbatimit të politikave të veprimtarisë së shërbimit të mbrojtjes nga zjarri dhe shpëtimin, kam udhëzuar sot një inspektim në shkallë vendi të masave dhe mjeteve për rritjen dhe garantimin e sigurisë publike nga zjarri dhe shpëtimi”, njofton ministria e Brendshme.
Përmes një njoftimi për shtyp ministri Taulant Balla thotë se “Drejtoria e Përgjithshme e Mbrojtjes nga Zjarri dhe Shpëtimin në Ministrinë e Brendshme, njësitë e MZSH-së (Shërbimi i mbrojtjes nga zjarri dhe shpëtimit) në çdo bashki, Inspektorati Kombëtar për Mbrojtjen e Territorit dhe inspektoratet e mbrojtjes së territorit në çdo bashki janë udhëzuar sot të kontrollojnë prej nesër dhe në mënyrë periodike masat dhe mjetet e mbrojtjes nga zjarri në çdo objekt, me kritere specifike sipas nivelit të rrezikut”.
Qëllimi i këtij udhëzimi, siç nënvizohet në dokumentin e siguruar nga gazetari i Report TV Sokol Dema është të sigurojë rritjen dhe garantimin e sigurisë publike nga zjarri dhe shpëtimin në shkallë vendi, rritjen e bashkëpunimit dhe bashkërendimit të institucioneve të administratës në nivel qendror dhe vendor, si dhe identifikimin e rreziqeve nga zjarri për të reduktuar probabilitetin e fillimit të zjarreve.
Ky urdhër vjen disa ditë pas djegies së qendrës tregtare Metropol në Lushnjë ku për shkak të mungesës së një autoshkalle dhe mjeteve të tjera u hasën vështirësi në shuarjen e zjarrit ndërsa zjarrfikësit hodhën ujë nga kati i parë për në katin e katërt të qendrës që po shkrumbohej para syve të tyre. Të rrezikuar ishin dhe shumë qytetarë që ndodheshin në apartamentet sipër qendrës tregtare, të cilët u gjendën pa asnjë alternativë shpëtimi si shkallë emergjencë dhe masa mbrojtëse ndaj zjarrit, por zbritën nga dritaret dhe ballkonet e banesave përmes vinçeve.
Por si do të bëhet klasifikimi i objekteve që do kontrollohen dhe hartimi i planeve të punës?
"1. Strukturat e shërbimit të MZSH-së klasifikojnë objektet në territorin e Bashkisë sipas rrezikshmërisë nga zjarri, në bazë të kategorive të përcaktuara në udhëzimin nr. 81, datë 06.03.2020, "Për klasifikimin e objekteve, sipas rrezikshmërisë nga zjarri, procedurat e shqyrtimit dhe miratimit të projektit të mbrojtjes nga zjarri dhe shpëtimin, si dhe dhënia e certifikatës së sigurisë nga zjarri" dhe njoftojnë Ministrinë e Brendshme, Inspektoratin Kombëtar për Mbrojtjen e Territorit, Drejtorinë e Përgjithshme të Mbrojtjes nga Zjarri dhe Shpëtimin, Kryetarët e Bashkive dhe inspektoratin vendor të mbrojtjes së territorit në bashki.
2. Bazuar në klasifikimin e tyre, strukturat e shërbimit të MZSH-së përcaktojnë planin mujor, planin tre mujor, planin gjashtë mujor dhe planin vjetor të punës, duke përcaktuar objektet që do të inspektohen me grup inspektimi sipas shkronjës "a", të pikës 1, të neni 4, ose me grup inspektimi të përbashkët, sipas shkronjës "b", të pikës 1, të neni 4.
3. Për objektet që do të inspektohen me grup inspektimi të përbashkët, i kërkojnë Kryeinspektorit të IKMT dhe Drejtorit të Përgjithshëm të MZSH-së citimin e inspektorëve përkatës. Kryeinspektori dhe Drejtori i Përgjithshëm i MZSH-së caktojnë inspektorët jo më vonë se 3 (tre) ditë pune, nga data e marrjes se kërkesës.", thuhet më tej në udhëzim.
(Kliko këtu për të parë dokumentin e plotë)
Komente
Lajme të tjera
-
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
VIDEO/ Merr flakë banesa në katin e parë të një pallati në Sarandë, fqinjët shpëtojnë të moshuarën që jetonte aty
15 Dhjetor, 16:46 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47
Urdher qe te zbatohet ligji? Po pergjegjesi ligjore kane ata qe se kane zbatuar? Ndertuesi, bashkia qe e koalidimin, sherbimi zjarrefikes etj? Perse keshtu mbyllet kjo histori? Tragjedi edhe me te renda na presin nese nuk ndeshkohen ata qe nuk zbatojne ligjin. Ligji nuk zbatohet me urdhera dhe fushata.
Përgjigju