Djemtë e gazetarit saudit, Jamal Khashoggi falin vrasësit e të atit

Djali i Jamal Khashoggit, gazetarit saudit, i cili u vra brenda një konsullate saudite në vitin 2018, deklaroi se ai dhe vëllezërit e tij i kanë falur vrasësit e babait të tij.

Përmes një postimi në Twitter më 22 maj, Salah Khashoggi tha se falja, bëhet si pjesë e muajit të shenjtë mysliman të Ramazanit.

Jamal Khashoggi, një kritik i qeverisë saudite, u vra në konsullatën saudite në Stamboll në tetor të vitit 2018. Ai ishte kolumnist i gazetës amerikane Washington Post.

Zyrtarët sauditë thanë se vdekja e tij ishte rezultat i një “operacioni mashtrues” dhe nuk ishte organizuar nga shteti. Por, më vonë autoritetet ndryshuan versionin e tyre dhe thanë që Khashoggi ishte vrarë në një operacion të fshehtë nga një ekip që kishte shkuar ta rrëmbente atë dhe ta sillte në Arabinë Saudite.

Dhjetorin e kaluar, një gjykatë saudite dënoi me vdekje pesë persona, për rolin e tyre në vrasjen e gazetarit, megjithatë, një hetues i posaçëm i Kombeve të Bashkuara ka bërë thirrje për një hetim të pavarur të rastit.

I.C./Shqiptarja.com
  • Sondazhi i ditës:

    A mendoni se duhet që të ndryshohet sistemi zgjedhor?

Komento


×

Lajmi i fundit

John

Thirjet e SHBA-së për 'Drejtësinë'/ Panariti: Reforma është e jona dhe na takon ne ta zbatojmë! (Opozita heq dorë nga zgjedhjet e parakohshme?)