Gjykata e Tiranës firmos konfiskimin e 2 apartamenteve dhe dy garazheve në rrugën Aleksander Moisiu, Tiranë, pronë e dy vëllezërve të përfshirë në aktivitetin kriminal të trafikimit të narkotikëve në bashkëpunim në Britani.
Më 13 mars 2024 Gjykata pranoi kërkesën e prokurorisë dhe konfiskoi pasuritë në pronësi të shtetasve R.D. e Gj.D. prindër në kuadër të ligjit “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave kundër pasurisë”.
Nga analiza financiare, rezultoi se shtetasit subjekt hetimi pasuror, nuk kanë patur mundësi kursimi nga të ardhura të ligjshme që kanë shërbyer si burim krijimi për kryerjen e investimeve në blerjen e pasurive të paluajtshme.
Pasuritë u konfiskuan dhe kaluan në pronësi të shtetit pasi nga hetimi i kryer, rezultoi se djemtë e tyre, shtetasit V.D. dhe S.D janë përfshirë në aktivitetin kriminal të trafikimit të narkotikëve në bashkëpunim. Pasuritë e mësipërme janë krijuar pas dhe gjatë periudhës së aktivitetit kriminal dhe vlera e tyre nuk i përgjigjet dukshëm nivelit të të ardhurave, fitimeve apo veprimtarive të ligjshme, të deklaruara dhe as nuk justifikohen prej tyre, informoi sot prokuroria e Tiranes më 19 mars.
Dy djemtë dyshohen për veprën penale “Trafikimi i lëndëve narkotike” në bashkëpunim, të parashikuar nga neni 283/ai Kodit Penal, kryer jashtë shtetit (Angli).
Lajme të tjera
-
Në kërkim nga Italia për trafik kokaine, konfiskohen pasuri të Eldi Dizdarit! Edhe shtëpia e gruas, ish-missit Suada Sherfi i kalon shtetit
11 Qershor, 09:47 -
Benzi 100 mijë euro që mori dhuratë ish-missi Trejsi Sejdini i kalon Policisë
6 Janar, 12:38 -
Laboratori i heroinës në Has, SPAK: Konfiskohet hoteli 'Ador' në Rinas në pronësi të Admir Hoxhës! Prona me vlerë 5 mln euro i kalon shtetit
10 Dhjetor 2021, 08:43 -
EUROPOL/ Konfiskohen 27 milionë maska të falsifikuara
25 Shtator 2020, 17:25
