1764661175_kirilldmitriev.jpg

Foto:Kirill Dmitriev

I dërguari i Moskës në bisedimet e Miamit për Ukrainën, Kirill Dmitriev, i cituar nga agjencia e lajmeve Tass deklaroi se "Shteti Paralel (Deep State) po përpiqet të provokojë Luftën e Tretë Botërore duke nxitur paranojën anti-ruse".

Ai e bëri këtë pohim duke komentuar një deklaratë të Drejtoreshës së Inteligjencës Kombëtare të SHBA-së, Tulsi Gabbard, e cila kishte mohuar raportimet e disa mediave në lidhje me planet ruse për të vendosur kontroll mbi të gjithë territorin e Ukrainës dhe pjesë të tjera të ish-Bashkimit Sovjetik.

Deklarata e saj ishte publikuar në rrjetin social X, dhe Dmitriev e kishte postuar dhe në llogarinë e tij, duke e komentuar atë si “të shkëlqyer jo vetëm për dokumentimin e origjinës së mashtrimit Obama/Biden, për Rusinë, por tani edhe për ekspozimin e makinës luftënxitëse të Shtetit Paralel që kërkon të nxisë Luftën e Tretë Botërore duke nxitur paranojën anti-ruse në të gjithë Mbretërinë e Bashkuar dhe BE-në", shkroi Dmitriev në X.


Lajmi kryesor:

Ukraina për Rusinë, një takim tripalësh Uashington-Moskë-Kiev 'nuk po merret në konsideratë'