Do i përgjigjeni sulmit të Iranit? Ushtria izraelite: Për momentin nuk do të zgjerojmë operacionet ushtarake

Zëdhënësi i ushtrisë izraelite Daniel Hagari

"Për momentin ne nuk kemi ndërmend të zgjerojmë operacionet tona ushtarake." Zëdhënësi i ushtrisë izraelite Daniel Hagari e tha këtë duke iu përgjigjur në një konferencë për shtyp një pyetje nëse Izraeli do reagonte apo jo ndaj sulmit të Iranit.

"Ne jemi gati, po monitorojmë të gjitha teatrot në rajon dhe po vlerësojmë çdo skenar, por për momentin nuk kemi ndërmend të zgjerojmë operacionet tona ushtarake.”

LEXO EDHE:
Hamasi për propozimin e armëpushimit të Izraelit: ‘Qëndrimi ynë është negativ, por ne ecim përpara’

“Roli ynë është të mbrojmë izraelitët," shpjegoi zëdhënësi i ushtrisë.

"Ne mbetemi në gatishmëri, kemi miratuar plane sulmuese dhe mbrojtëse, ne do të vazhdojmë të mbrojmë shtetin e Izraelit dhe të ndërtojmë një të ardhme më të qëndrueshme për rajonin. Irani nuk është vetëm një kërcënim për Izraelin, por për të gjithë rajonin," shtoi Hagari.

Lajmi kryesor:

Irani sulmon me mbi 300 dronë e raketa Izraelin! Kabineti izraelit i luftës: Nuk kundërpërgjigjemi tani! Udhëheqësi iranian: Jerusalemi do t'i përkasë myslimanëve

SI.E./Shqiptarja.com

TAG:
• irani sulmon izraelin
• SHBA
• iran
• Izrael