POP 5

Lajmet më të lexuara të 5 minutave të fundit

Politikë

Do protestojë opozita për kullën ‘Mali i Tiranës’? Meta shmanget: S’mund të shfokusohemi, kemi inceneratorët

Për kreun e Partisë së Lirisë, ndërtimi i kullës ‘Mali i Tiranës’ prapa Teatrit të Operës dhe Barletit nuk ja vlen 'barra qiranë' të protestohet.

Për kreun e Partisë së Lirisë, ndërtimi i kullës ‘Mali i Tiranës’ prapa Teatrit të Operës dhe Barletit nuk ja vlen 'barra qiranë' të protestohet. Edhe pse së bashku me aleatin e tij kryesor në politikë, Sali Berisha kanë pretenduar dhe vazhdojnë të pretendojnë atë që e quajnë ‘revolucion’, Meta thotë se një protestë për kullën e Tiranës do të shfokusonte vëmendjen nga një aferë më e madhe, që është ajo e inceneratorëve. Por edhe pse ish kreu i shtetit e vë theksin tek inceneratorët, duket në fakt një lloj shmangieje e Metës për të denoncuar kullën ‘Mali i Tiranës;.

"Çështja më flagrante është inceneratori se është kapje e gjithë shtetit dhe është shumë e dokumentuar dhe e faktuar. Sa u takon kullave, ne e dimë se kush u jep lejet dhe se kush janë përfituesit dhe të dëmtuarit që janë qytetarët.

Sa më të larta kullat, malet e betonit aq më gropë vete euro me lekun. Aq më shumë fuqizohet pakica e lidhur me qeverinë. Ne kemi protestuar gjithmonë dhe do të protestojmë gjithmonë por kjo nuk mund të na shfokusojë nga afera e inceneratorëve, ju e dini kush i jep lejet dhe kush mundet t’i anulojë ato menjëherë."- tha Meta.

Projekti “Mount of Tirana” do të ndërtohet nga  “Nova Construction 2012” e cila rezulton me pronar 91% të aksioneve Ilir Shtufin dhe 9 % Kujtim Shtufin, ndërsa do të zbatohet nga studio daneze e arkitekturës  “Cebra”, që u shpall fituese mes 5 kompanish në garë më 1 tetor 2022. 

Vetë Berisha dje bëri një deklaratë të ngjashme me atë të Shkëlqim Berishës dhe deklaroi se PD-së nuk i dikton dot kush agjendën asaj, përveçse vet, sikundër nuk kërkon t’u diktojë të tjerëve.

“Mali i Tiranës ka ndarë në tre qëndrimet. Një palë që ishte pro ndërtimit që në momentin që qeveria e miratoi projektin. Një palë që është përfshirë në debat e thotë se pas projektit ka lidhje të fshehta të njerëzve të foltores që sipas tyre janë blerë nga qeveria dhe prandaj po heshtin. Ndërsa në grupimin e tretë janë ata që supozohet se janë blerë e deri më tani nuk kanë bërë asnjë hap serioz distancimin e tyre dhe miratojnë në heshtje kullën.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jonida: 09/08/2023 22:10

    Me ty dhe Bashen edhe 200 vite te tjera mbreteron Rama & co. E sigurt

    Përgjigju
  • Tahipi: 09/08/2023 15:07

    Sa te pangopur paskan qene

    Përgjigju
  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

U aludua se tatuazhi i Sarës i dedikohej Ledrit, ja si qëndron e vërteta

U aludua se tatuazhi i Sarës i dedikohej Ledrit, ja si qëndron e vërteta

28 Prill, 15:01