Një person është arrestuar pasi ka kërcënuar me jetë familjarët e ish ministrit të Jashtëm Behgjet Pacolli duke i kërkuar para. Këtë lajm e bëri të ditur këshilltari i Pacollit, Naim Murseli, i cili shkruan se personi që e kërcënoi u arrestua mbrëmjen e djeshme.
Sipas Murselit , autori është hequr si prokuror i Kosovës dhe ka kërcënuar Pacollin se do i rrëmbejë dhe djegë fëmijët e tij për së gjalli.
"Personi i arrestuar në orët e vona mbrëmë, me inicialet E.H, i cili kërcënoi z. Pacolli dhe fëmijët e tij i ka kërkuar gjithashtu para. Personi ka pretenduar të jetë edhe prokuror i Kosovës. Ai ka kërcënuar po ashtu me arrestim të z. Pacolli. E.H ka kërkuar në internet shkollën e fëmijëve, e cila është shkollë publike, të z. Pacolli dhe ka kërcënuar atë se do t'i rrëmbejë dhe do t'i djeg ata për së gjalli. Z. Pacolli është shumë i tronditur dhe i mërzitur emocionalisht nga kërcënimet e bëra", shkruan Murseli.
Lajmi është konfirmuar edhe nga policia e Kosovës dhe vetë Pacolli, i cili është shprehur se do të përdorë të gjitha mjetet ligjore që t’i ndjekë penalisht personat të cilët e kanë kërcënuar familjen e tij.
“Do përdori të gjithë instrumentet ligjorë që ti ndjek këta persona duke shpresuar që në këtë mënyrë i kontribuoj tërë shoqërisë e cila është e ngopur me dhunë, kërcënime e frikësime”, ka shkruar Pacolli.
Eshte e morale te kerkohet pergjegjesi,(rasti I Astrit Deharit).Por, eshte po ashtu e moralshme me dhene pergjegjesi,(rasti I tejdukshem I studentit te posdiplomes Musliu)qe edhe pse i semuar dhe I deshmuar para "shtetit e pushtetit",ne diten me diell, dhunshem vendoset ne "karantine"ku kryhet vetevrasja-vrasja.
Përgjigju