Prokurori i Përgjithshëm, Merrick Garland, u zotua të mërkurën të mbajë përgjegjës këdo që është përfshirë në sulmin e vitit të kaluar në Kapitol, pavarësisht nëse ata kanë qenë atje fizikisht apo jo.
Në një fjalim para punonjësve të Departamentit të Drejtësisë, zoti Garland tha se prokurorët mbeten “të përkushtuar për të mbajtur të gjithë autorët e dhunës së 6 janarit, në çdo nivel, përgjegjës sipas ligjit”.
Komentet e tij vijnë vetëm një ditë para përvjetorit të parë të sulmit në Kapitol dhe pasi Departamenti i Drejtësisë është përballur me presion të shtuar nga disa demokratë për t’u përqëndruar më shumë në veprimet që mund të kenë frymëzuar mijëra protestues, mbështetës së zotit Trump për të sulmuar ndërtesën e Kongresit.
“Ne do t’i ndjekim faktet kudo që ato të na çojnë”, tha zoti Garland në fjalimin e tij. “Veprimet që kemi ndërmarrë deri më tani nuk do të jenë të fundit.”
Hetimi për sulmin në Kapitol është më i madhi në historinë e Departamentit të Drejtësisë. Deri më tani, më shumë se 700 persona janë arrestuar dhe 350 të tjerë janë ende në kërkim nga FBI-ja, duke përfshirë 250 prej të cilëve akuzohen për sulme ndaj oficerëve të policisë.
Prokurori i Përgjithshëm amerikan Merick Garland detajoi gjithashtu sulmet serioze ndaj oficerëve të zbatimit të ligjit, duke përshkruar në detaje se si oficerët u rrahën dhe u qëlluan me armë elektrike trullosëse. Gjatë trazirave të janarit, një oficer u rrah dhe u godit me një armë elektrike trullosëse në mënyrë të përsëritur derisa pësoi infarkt të zemrës; një tjetër shkumonte në gojë dhe bërtiste për ndihmë, ndërsa protestuesit e dhunshëm e godisnin atë në kokë me tytën e armës së tij.
“Ata që janë përfshirë në këto vepra duhet të mbajnë përgjegjës dhe nuk ka asnjë përparësi më të madhe se kjo për ne në Departamentin e Drejtësisë”, tha zoti Garland./VOA
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
