Do vizitoni SHBA? Ambasada e prerë: Nëse thoni do qëndroj 2 javë, s'mund të rrini 6 muaj

Ambasada e Shteteve të Bashkuara në Shqipëri me anë të një postimi ka bërë thirrje të gjithë personave që do të udhëtojnë për vizitë në SHBA që të mos i tejkalojnë afatet  e vizës. Sipas ambasadës nëse i thuhet oficerit konsullor që do të qëndrojnë për dy javë në SHBA,nuk mund të qëndrohet gjashtë muaj. Ambasada e SHBA në Tiranë shpjegon se oficeri i imigracionit do të shënojë në pasaportën tuaj se sa kohë mund të qëndroni ndaj dhe porosit që të siguroheni që të mos e tejkaloni.

"Është shumë e rëndësishme që t’i përmbaheni kushteve të vizës tuaj. Nëse ju i thoni oficerit konsullor që do të qëndroni për dy javë në SHBA, ju nuk mund të qëndroni gjashtë muaj. Në pikën e hyrjes në SHBA, oficeri i imigracionit do të shënojë në pasaportën tuaj se sa kohë mund të qëndroni – sigurohuni të mos e tejkaloni! " shkruhet në statusin e shpërndarë nga ambasada.

TAG:
• SHBA
• ambasada amerikane
• viza amerikane