Doda:Nuk kemi votuar
arredues, por kryeministë

Deputetja e Partisë Demokratike, Mesila Doda, në një qëndrim të saj shprehet se debatet që po bëhen kohët e fundit në lidhje me godinën kryeministrore janë krejt pa vlerë në karahasim me ato çfarë pret populli. Me interes për deputeten demokrate është pikërisht platforma e qeverisë për të shtuar punësimet sesa zbukurimet e zyrave. “Në një bisedë privatë ish presidenti i asamblesë parlamentare të OSBE-së Riçardo Migliori tek fliste për një politikan të vendit të tij me thotë: "ka politikanë që ngjajnë me nëndetset, ka dhe nga ata që janë serfiste"

Për fat të keq, vazhdoi, unë jam politikan që tentoj ti shikoj gjërat thellë, të analizoj dukuritë dhe të kërkoj të gjej zgjidhjen më të mirë, por tek e fundit duket se kanë me sukses serfistët. E solla këtë bisedë sepse po ndjek me shqetësim debate të kota që po dominojnë skenën politike shqiptare dhe shoh se si sfilojnë debate krejt pa vlerë për shqiptarët dhe hallet e tyre. Si do rregullohet fasada, si do bëhet zyra, si do i mbulojmë muret si i kishim e si do i kemi dhe të krijohet përshtypja se ne kemi votuar një arredues e jo një kryeministër”, shkruan deputetja Doda.

Ndër të tjera, ajo kërkon nga mazhoranca, që kryeministri të merret seriozisht me punën e tij si dhe me aktet ligjore apo vendimet e këshillit të ministrave. “Duke shpresuar që kryeministri që votuan shqiptarët do kthehet me në fund në vendin e tij dhe do lër pas krahëve marrëzitë, mos flit, mos qesh, unë zbukuroj se e kam të vështirë të punoj...dhe njëherë do shpresoja që për të mirën e shqiptarve dikush të ulet dhe ti spjegojë se çdo të thotë ligj, VKM, ligj i buxhetit, si funksionon shteti, si duhet ti lehtësoje hallët e shqiptarvë, si duhet të vazhdojë të ndjekë hap pas hapi punën për projektin TAP sepse krijon të ardhura dhe punësim....me një fjalë dikush duhet t`i spjegojë që duhet të bëjë Kryeministrin dhe të merret seriozisht me punën e tij”, bën apel deputetja e opozitës.

Shkrimi u publikua sot (24.09.2013) në gazetën Shqiptarja.com (print)

Redaksia Online
(a.ç/shqiptarja.com)

TAG:
• OSBE