Dodik u prit me protesta, Meta: Mbeti i kënaqur me mikpritjen, do të vijë për turizëm

Presidenti i Bosnjës dhe ai i Serbisë u pritën me protesta në Tiranë nga Vetëvendosje, por Presidenti Meta u shpreh se Dodik ka mbetur i kënaqur nga vizita e parë në Shqipëri dhe se kishte premtuar që do të vinte sërish për turizëm. "Atmosfera ka qenë mjaft pozitive dhe konstruktive, sikur e shprehja, arritja e Prespës është historike, të gjithë do të donim që edhe dialog Kosovë-Serbi të kishte përfunduar, por e thashë por nëse do të kishte ndodhur menjëherë me Prespën dikush mund të na ngatërronte duke menduar se ishim në Beneluks dhe jo në rajon. Por kemi angazhim të përbashkët për paqen dhe perspektivën europiane dhe vullneti për ti zgjidhur të gjitha cështjet përmes dialogut. Samiti ka një format të përcaktuar dhe Dodik ka qenë i ftuar dhe mirëseardhur si president i radhës i Bonjës, besoj se ka mbetur i kënaqur, ishte hera e parë që vinte në Tiranë dhe ka premtuar se do të vijë edhe për turizëm, pasi kishte dëgjuar për mikpritjen shqiptare" tha ai.

Lajmi kryesor:

Presidentja kroate: BE-ja krijoi vakum të rrezikshëm në Ballkan! Polonia: Brukseli të hapë dyert

/b.ha./Shqiptarja.com

TAG:
• samiti i Tiranes