POP 5

Lajmet më të lexuara të 5 minutave të fundit

Ekonomi

Doganat, OSBE:Të jenë të sigurta e të
kalueshëm,Spiropali:Duam asistencë

Prezantohet botimi i titulluar “Manual i Praktikave më të mira në Pikat e Kalimit Kufitar – Këndvështrimi për Lehtësimin e Tregtisë dhe Transportit”. (Foto nga takimi)
TIRANE- Një manual praktik për agjencitë shtetërore dhe për entet e sektorit privat që veprojnë në pikat e kalimit kufitar është prezantuar sot në një takim që u zhvillua në hotel Sheraton.

Kryetari i Prezencës së OSBE-së në Shqipëri, Ambasadori Florian Raunig tha se në manual janë prezantuar 120 shembuj të praktikave më të mira doganore dhe ofroi gadishmërinë për të dhënë asistencë në këndvështrimin për Lehtësimin e Tregtisë dhe Transportit por dhe të forcimit të sigurisë.

"Duhet të siguroni që kufijtë të jenë sa më të sigurtë por dhe aq të kalueshëm sa të jetë e mundur "- tha  Ambasadori Florian Raunig.

Nga ana e saj Drejtoresha e Përgjithshme e Doganave Spiropali u shpreh se po bëhen përpjekje për përmisërimine e administratës doganore dhe nënvizoi rëndësinë për thellimin e bashkëpunimit me trajnime të ndryshme.

“Është detyrë shumë e madhe e adminsitratës për të përmirësuar situatën dhe për të lehtësuar kalimin në kufi dhe zhvillimin tregtar. Është e rëndësishme të thellojmë bashkëpunimin me trajnime të ndryshme. Manuali është tërësor, i praktikave më të mira dhe do të shikojmë si të thellojmë më tej dhe të kërkojmë asistencë në këtë fushë.
Dua të theksoj jo vetëm një bashkëpunim mes OSBE-së e administratës por mbledhjet e një këshill më i gjerë i të gjitha institucioneve që merren me kontrollin e sigurisë  të bëhen më të shpeshta. Do rrisim bashkëpunimin me policinë”- tha Spiropali.


Botimi i titulluar “Manual i Praktikave më të mira në Pikat e Kalimit Kufitar – Këndvështrimi për Lehtësimin e Tregtisë dhe Transportit” është përgatitur nga Organizata për Siguri dhe Bashkëpunim në Evropë (OSBE) dhe Komisioni Ekonomik i Kombeve të Bashkuara për Evropën. Sjellja e tij në gjuhën shqipe është mbështetur nga Ambasada e Shteteve të Bashkuara të Amerikës.

Në prezantimin e botimit ishin të pranishëm dhe zëvendësshefi i Misionit i Ambasadës së SHBA-së, Henry V. Jardine, Drejtorja e Përgjithshme e Administratës Doganore, Elisa Spiropali dhe Përfaqësuesja e Përhershme e Kombeve të Bashkuara në Shqipëri, Zineb Touimi-Benjelloun.


(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40