POP 5

Lajmet më të lexuara të 5 minutave të fundit

Politikë

Dogjani akuza kreut të Burgjeve:
Korrupsion 100 euro dita e lejes

Deputeti demokrat Asllan Dogjani ka akuzuar drejtorin e Burgjeve, Artur Zoto se në institucionin që ai drejton korrupsioni është masiv aq sa për një ditë leje të veçantë duhen paguar 100 euro.
Dogjani akuza kreut të Burgjeve:<br />Korrupsion 100 euro dita e lejes
TIRANË - Deputeti demokrat Asllan Dogjani ka akuzuar drejtorin e Burgjeve, Artur Zoto se në institucionin që ai drejton korrupsioni është masiv aq sa për një ditë leje të veçantë duhen paguar 100 euro. Gjtë diskutimit të projektligjit për burgjet e hapura në Komisionin kuvendor të Sigurisë Kombëtare, Dogjani renditi tek rastet e korrupsionit edhe shërbimin e spitalit të burgjeve.

"Mos është një mundësi për rritjen e korrupsionit? Sot një ditë leje është 100 euro/dita, për një vizitë po ashtu​. Korrupsioni është shumë i madh,"-tha Asllan Dogjani.

"Do doja shumë të më kishe thënë të vërteta. Sot përsëri korrupsioni në burgje është shumë i lartë... Edhe për në spital duhen paguar para"- tha Dogjani.

Socialisti Paulin Sterkaj ndërhyri në debat: "Denoncoje o Asllan në prokurori..pse na i thua ne këtu? "

Ndërkohë drejtori i Përgjithshëm i Burgjeve, Artur Zoto i pranishëm në komision mohoi akuzat dhe tha se ndaj këtij fenomeni janë marrë masa.

"Qëllimi është garantimi i elementëve të sigurisë dhe për herë të parë të kemi modele të hapura. Lufta kundër korrupsionit ka qenë prioritet i yni. Kemi marrë masa. Jam krenar për modelin shumë të mirë. Për herë të parë kemi ndryshuar planifikimin e lejeve. Të dënuarit e dinin datën e lejes. Nga 5,7 ditë në 48 orë për lejen e veçantë. Forcuam kriteret dhe ulëm korrupsionin. Kemi zgjidhur një problem gangrenë. Lejet janë të monitoruara,"-tha Zoto.

Deputeti demokrat Flamur Noka shprehu shqetësimin e mbipopullimit të burgjeve dhe akuzoi qeverinë si persekutore të të varfërve dhe mbështetëse e trafikantëve.

"Trajtimi i të burgosurve në nivel katastrofik. Edhe trajtimi i qytetarëve nga qeveria katastrofik. Sot janë 40 mijë të dënuar dhe shoqëruar nga 20 400 që është kapaciteti. Kjo është Qeveri e terrorit të qytetarëve dhe e suportit maksimal të narkotrafikëve. Kushtet dhe trajtimi në burgje është mizerabël"-tha Noka.

Noka ripërsëriti akuzat ndaj Tahirit duke thënë se kryeministri po e mbron ministrin e Brendshëm edhe pse ka shkelur ligjin.
 
Kjo ka ndezur debatet mes mazhorancës dhe opozitës. Shumica i kërkoi Nokës të mos dalë nga rendi dhe të flasë për projektligjin.
 
Noka: Në rast se ju djeg krruajeni fort. Keni futur 40.000 qytetarë në komisariat brenda 1 viti.

Drafti parashikon  burgjet me regjim të hapur, ku dënimi kryhet me masa sigurie minimale. Të dënuarit në 5 vjet dënim, mund të punojnë në 2 vitet e fundit të dënimit dhe të flenë në darkë në burg.
 
Redaksia Online
(Gre.M/Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46