Dickson Ndiema, ish-partneri i vrapueses olimpike të Ugandës, Rebecca Cheptegei, vdiq në spital në Kenia, nga lëndimet e marra kur i vuri flakën atletes 33 vjeçare më 1 shtator, pasi e leu me benzinë. Ndiema ishte shtruar në kujdesin intensiv me djegie mbi 50% të trupit të tij.
Rebecca Cheptegei përfaqësoi vendin e saj, Ugandën, në Lojërat e fundit Olimpike në Paris, ku u rendit e 44-ta në maratonë.
Sipas policisë, Dickson Ndiema Marangach kishte hyrë në shtëpinë në qytetin e Endebess, Trans County, rreth orës 14:00, ndërsa atletja dhe fëmijët e saj ishin në meshë.
![](https://shqiptarja.com/template/img/NO_ALFA_Kuadrate shqiptarja.png)
Pas kthimit të tyre në banesë, Dikson i hodhi benzinë Rebccës duke i vënë më pas zjarrin, i cili gjithashtu u prek nga flakët.
Sipas autoriteteve lokale konflikti mes të dyve kishte nisur për shkak të një toke në veri-perëndim të Kenias, ku Cheptegei jetonte dhe stërvitej. Tanimë dyshja nuk jeton më dhe ka lënë pas fëmijët e mitur.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)