Disa dokumente të publikuara në media konfirmojnë vërtetësinë e artikullit të botuar disa ditë më parë nga gazeta austriake “Kronen Zeitung”, e cila denoncoi Ilir Metën dhe LSI-në se ka paguar 700 mijë USD për lobim në Shtetet e Bashkuara të Amerikës, për një foto në ceremoninë e inaugurimit të Presidentit Amerikan Donald Trump, në vitin 2017. Dokumentet e dorëzuara në autoritetet amerikane komprometojnë rëndë Ilir Metën dhe LSI-në. Kontratat konfirmojnë se Ilir Meta, në fillim të vitit 2017, ka paguar rreth 700 mijë dollarë te kompania McKeon Group. 90 mijë dollarë janë paguar nga avokati Iraklis Fidetzis, ndërsa 600 mijë të tjera sërish nga Fidetzis por përmes kompanisë “Dorelita Limited”, e regjistruar si offshore në Qipro.
Kontrata parashikonte sigurimin e një ftese për Ilir Metën si pjesëmarrës në inaugurimin e Donald Trump, organizimin e takimeve me ligjvënës dhe drejtues të tjerë të administratës amerikane në Uashington gjatë kësaj ceremonie dhe pas 20 janarit 2017, zhvillimi dhe promovimi i marrëdhënieve të mira me administratën e re të Donald Trump dhe Kongresin amerikan. Kompania do të merrte nga 15 mijë euro në muaj. Kjo kontratë është ndërprerë në 14 shkurt 2017, për arsye të paqarta. Por, Ilir Meta dhe LSI kanë nënshkruar një kontratë të dytë më 24 mars 2017, me kompaninë.
“Dorelita Limited”, për lobim dhe takime. Sipas investigimit, kompania do të merrte 50 mijë euro në muaj. Kompania Dorelita i ngarkohen edhe shpenzimet e tjera të kompanisë lobuese, si udhëtimet, hotelet, drekat e darkat që organizohen me qëllim zbatimin e kontratës së nënshkruar. Në total, bashkë me këto kosto, kompania Dorelita ka paguar rreth 600 mijë dollarë për McKeon Group.
Po ku i gjeti Ilir Meta paratë për të kryer pagesat në janar-shkurt 2017 për kompaninë McKeon Group dhe 600 mijë euro për kompaninë “Dorelita Limited”? A i ka deklaruar Meta këto para në Komisionin Qendror të Zgjedhjeve apo në Inspektoratin e Lartë të Deklarimit dhe Kontrollit të Pasurive? Përgjigja e këtyre dy pyetjeve mund të çojë Ilir Metën drejt dyerve të SPAK-ut. Ndryshe nga sa tregojnë dokumentet amerikane, në raportin e saj vjetor financiar për vitin 2017, të dorëzuar në Komisionin Qendror të Zgjedhjeve, LSI ka raportuar shpenzime për konsulencë dhe lobim në vlerën 3.3 milionë lekë.
Konkretisht, LSI ka deklaruar në KQZ shpenzime konsulencë në vlerën 1,414,465 lekë me kompaninë JPM Strategic Solution LLc USA. Gjithashtu, Partia Lëvizja Socialiste për Integrim ka deklaruar në raportin financiar shërbime konsulence me kompaninë MCKEON GROUP, në vlerën 1,942,500 lekë. Komisioni Qendror i Zgjedhjeve, me anë të një raporti, ka konstatuar se LSI nuk justifikon me burime të ligjshme të ardhurash kontratën e dytë, atë me kompaninë MCKEON GROUP, me vlerë 1.9 milionë lekë.
KQZ-ja ka verifikuar vetëm dy kontratat e deklaruara në vlerë 3.3 milionë lekë. Mbetet për t’u parë nëse SPAK do të vihet në lëvizje pas publikimit të dokumenteve për shpenzimet qindra mijëra euro të Ilir Metës për lobim në SHBA, para të cilave nuk u dihet burimi dhe nuk janë deklaruar kurrë në asnjë organ ligjgjzbatues në Shqipëri.
Raporti i KQZ për kontratat e LSI për konsulencë dhe lobim në vitin 2017
Komente
Lajme të tjera
-
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
Dosja/ 'Me Bajrët je në burg, ose varr! Mos i ki besë policëve!’ Si e paralajmëroi Suel Çela ‘gjahtarin’ Prekë Kodra dhe çfarë i premtoi
27 Nëntor, 17:40 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32 -
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47
Por ligji duhet zbatuar njelloj per te gjithe ose duhet hequr fare. Kane ikur juriste nga sistemi per pasuri minimale.
PërgjigjuMegjithe mend i nderuari Adriatik Doci pret ti qe Arben Llalle Kraja te hape dosje per Meten per kete shume kaq te vogel? Kjoeshte nje hollesire e parendesishme qe e shumta muns te "kritikohet" si jo morale,por qe nuk e kap ligji i SPAKUT,sepse del jashte kopetencave te ketij organi!Edhe sikur te gjithe banken e Shtetit ne Tirane,dmth rezervat e saja ,te pervetesonte Like briuganti,Kraja nuk do te shgqetesohej fare.Sepse do mendonte se me te duhet te merret Monika ,tregetarja e Cocaines,ose ndonje gjyqtar si Zhukri apo si Gjin Gjoni qe e zbatojne ligjin sipas atij qe kane perpara e xhepit te tij apo te fuqise qe ka dhe nuk eshte detyre e tij.Kraja e ka marre vendimin.Larg duart nga Metaj e nga Berisha! S'ka fakte e jo me dosje per Liken e Berishen! A nuk e deklaroi Kraja kete me mburrje e "kopetence" perpara KLP-se e i la ata me goje hapur?Biles u tha qe ju=KLP-ja s'keni asnje mundesi te hedhni syte ne punen time "shembullore"! Biles Kraja po ia kalon dhe Llalles ne kete drejtim!Dhe bravo ketij Drejtuesi kaq te afte!Qenka talent i madh dhe i pazbuluar,po ku paska qene ky goxha "xhevahir i fshehur ne mes te qymyrit"!Ben cdo gje sic i thote Meta,pervec detyres se tij si Prokuror!Meta duhet edhe keto dite qe i kane mbetur ti shfrytezoje e t'i akordoje dhe nje llamarine,dmth medalje ketij Derdimeni,si me nder nderi i Shqiperise,sepse po djersitet shume te fshehe faktet e dokumentat e zyrave te prokurorive per Meten vete e sidomos per Berishen e lindur kriminel!
PërgjigjuInteresante per politikanet tane eshte qe ata kane 30 vjet qe rrezikojne burgun por ce do qe me te njejtin pozicion rrijne prape
Përgjigju