Doli sot pas 6 mujash, nëna e fëmijës me aftësi të kufizuara në Fier: Ne nuk u mërzitëm, kështu e kemi jetën

Mbas mbarimit të orarit të fashës së pensionisteve, vendin e gjyshërve e kanë zënë nipërit dhe mbesat e shoqëruar nga prindërit. Edhe pse koha jo e përshtatshme, pasi ka rënë dhe herë pas here bie shi, fëmijët kanë dalë në parkun kryesor të qytetit duke u argëtuar në qendrën e lojrave.

Ajo që bëri shumë përshtypje ishte një fëmijë me aftësi të kufizuara, që lëvizte e shoqëruar nga nëna e saj. Ajo quhej Erta dhe i shpërndante trëndafila  prindërve të tjerë që shoqëronin fëmijët e tyre me një mbishkrim: "Rrini në shtëpi për vete dhe për mua, nga Erta".

"Unë me Ertën kemi një kohë karantinë shumë të zgjatur, pothuajse 6-mujore, se ne kështu e kemi jetën. Kjo na ka bërë të jemi shumë të duruar dhe të kemi shumë forcë. Meqenëse se kategoria e fëmijëve si Erta janë në rrezik dhe gjithashtu të moshuarit menduam të shpërndajmë nga një trëndafil.

Në kështu e kemi jetën. E kemi pranuar këtë gjë nga zoti. Dua shumë që Erta të bëhet mirë. Jemi në muajin e Ramazanit dhe unë i uroj njerëzve paqe, begati, mirësi, se këto janë vërtetë ditë të paqta,"-shprehet nëna e Ertës.

Lajmi kryesor:

Rama u dha leje, por shiu mbylli brenda të moshuarit dhe fëmijët, vetëm disa biznese hapur (Ndalohen makinat)

Ne.k.//Shqiptarja.com

TAG:
• Fier
• koronavirusi ne shqiperi
• erta