'Donin të më thyenin këmbët', Fagioli para prokurorëve: Kam borxh te Dragusin dhe Gatti! Lotët në Sassuolo? Mendova për borxhet 3 milionë euro

Fjalët e mesfushorit të Juventusit, Nicolo Fagioli drejtuar prokurorit federal Chine. “Kam filluar të luaj baste në Tirrenia në vitin 2021. Më kërcënuan se do të më thyenin këmbët”, ka thënë mes të tjerash 22-vjeçari.

Në procesverbalin e deklaratave të Nicolo Fagiolit para prokurorëve për çështjen e basteve, del në pah dëshpërimi i një djali që vuan nga sëmundja e lojërave të fatit.

“Më kërcënuan se do më thyenin këmbët, por nuk kam vënë kurrë bast për Juventusin apo Cremonese, skuadrat ku kam luajtur; situata ishte aq e padurueshme sa që në Sassuolo, sapo dola nga fusha  fillova të qaja para kamerave, duke menduar për problemet e mia të lidhura me borxhet e basteve", thotë sulmuesi i Juves para prokurorëve.

Një fiksim për bastet që e detyroi të bënte një sërë gënjeshtrash, të kërkonte para për të marrë hua qoftë edhe nga shokët e skuadrës (Gatti dhe Dragusin) dhe të vuante kërcënime nga personazhe të rrezikshëm.

Megjithatë, ai gjithmonë shmangte bastet për skuadrat ku luante. Kur u kthye te Juventusi në vitin 2022, tashmë kishte grumbulluar një borxh prej 250 mijë eurosh. E ëma, e shqetësuar e këshillon për të marrë ndihmë. Por situata nuk përmirësohet dhe Fagioli fillon të vendosë baste për gjithçka, përfshirë futbollin. Në fund, mes platformave legale dhe ilegale, agjencive të ndryshme dhe agjencive bankave të paligjshme, ai arrin rreth 3 milionë euro borxhe. Një problem serioz, duke qenë se te Juve ai fiton një milionë euro në vit.

Lajmi kryesor:

Publikohen emrat e tre futbollistëve të tjerë të përfshirë në bastet sportive, tjetër lojtar i Juventusit në Serie A

S.DH/Shqiptarja.com

TAG:
• Nicolo Fagioli
• Nicolo Zaniolo
• Sandro Tonali
• itali
• serie a
• bastet sportive