POP 5

Lajmet më të lexuara të 5 minutave të fundit

Politikë

Dorëheqja e Bashës, Yuri Kim: PD të ecë drejt të ardhmes, mbështetja e SHBA për të luftuar korrupsionin mbetet e pandryshuar

Duke vlerësuar aktin e dorëheqjes së Lulzim Bashës, Ambasada  Amerikane i ka dërguar një mesazh të qartë Sali Berishës i cili tregoi hapur ambicien e tij për të rimarrë drejtimin e Partisë Demokratike. Ambasada Amerikane uron që ky vendim të përcaktojë rrugën që Partia Demokratike të ecë përpara drejt së ardhmes, duke theksuar se mbështetja e SHBA për të luftuar korrupsionin dhe pandëshkueshmërinë, mbeten e pandryshuar.

Dorëheqja e Bashës, Yuri Kim: PD të ecë drejt të ardhmes, mbështetja e SHBA për të luftuar korrupsionin mbetet e pandryshuar

Ambasadorja e SHBA-së, Yuri Kim

Ambasada Amerikane ka reaguar pas dorëheqjes së Lulzim Bashës si kryetar i PD, duke vlerësuar këtë akt. Me një postim në Facebook, Ambasada Amerika thotë se uron që ky vendim i Bashës të përcaktojë rrugën që Partia Demokratike të ecë përpara drejt së ardhmes, duke theksuar se mbështetja e SHBA për të luftuar korrupsionin dhe pandëshkueshmërinë, mbeten e pandryshuara.

"Vendimi i marrë nga Lulzim Basha sot për t’u dorëhequr si Kryetar i Partisë Demokratike meriton respekt. Vënia e interesave të partisë dhe të vendit mbi ato personale është shenjë e udhëheqësisë së vërtetë. Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian; dhe do të ritheksojë parimet dhe idealet demokratike mbi të cilat u themelua. Një opozitë e fortë që mund të jetë e gatshme për të udhëhequr është thelbësore për demokracinë. Mbështetja e Shteteve të Bashkuara për demokracinë dhe përkushtimi për të luftuar korrupsionin dhe pandëshkueshmërinë mbeten të pandryshuara", thuhet në reagimin e Ambasadës.

Pas Ambasadës së SHBA ka reaguar edhe delegacioni i BE në Shqipëri, ku në një postim në Twitter shkruhet se respektojnë vendimin e e Bashës, duke theksuar se nga lidershipi i ri pritet që të vazhdojë të mbështesë integrimin e vendit në BE si dhe luftën kundër korrupsionit.

Lulzim Basha dha sot dorëheqjen si kryetar i PD-së, pas 9 vitesh si drejtues i kësaj partie. Vendimi i Bashës për dorëheqjen vjen pas humbjes së thellë të PD në zgjedhjet e pjesshme lokale të 6 marsit, ku jo vetëm nuk fitoi asnjëra nga 6 bashkitë, por u rendit edhe forcë e tretë.  

Rendit zhvillimet sipas orarit:
Ora 22:15
Dorëheqja e Bashës, PPE: I hap rrugën një fillimi të ri dhe unitetit në parti

Partitë Popullore Europianë ka vlerësuar rolin e Lulzim Bashës në krye të PD duke thënë se dorëheqja e tij i hap rrugën një fillimi të ri dhe unitetit në parti.

"Falenderojmë  Lulzim Bashën për hapin e tij të përgjegjshëm në lidhje me rolin si kryetar i PD-së. Vlerësojmë të gjitha përpjekjet e tij për vendin dhe partinë gjatë udhëheqjes së tij, duke i hapur rrugën një fillimi të ri dhe unitetit në parti", shkruan PPE.

I.K/Shqiptarja.com

Ora 20:15
Dorëheqja e Bashës, Soreca: Respektojmë vendimin! Presim që lidershipi i ri të vazhdojë të mbështesë integrimin në BE dhe luftën kundër korrupsionit

1639996520_SORECA.jpg

Delegacioni i BE në Shqipëri ka reaguar pas dorëheqjes së Lulzim Bashës nga drejtimi i Partisë Demokratike, duke deklaruar se e respektojnë një vendim të tillë. Në një reagim në TWitter, delegacioni i BE thotë se pret nga lidershipi i ri që të të vazhdojë të mbështesë integrimin e vendit në BE si dhe luftën kundër korrupsionit.

"Ne respektojmë vendimin e Lulzim Bashës për largimin nga drejtimi i PD. Si çdo demokraci tjetër, Shqipëria ka nevojë për një opozitë të fortë që e mban qeverinë përgjegjëse dhe nën kontroll. Ne presim që lidershipi i ri të luajë këtë rol vendimtar dhe të vazhdojë të mbështesë integrimin në BE si qëllim themelor i veprimit të tij, duke nxitur reformat dhe duke mbështetur reformën në drejtësisë dhe luftën kundër korrupsionit", thuhet në reagim.

/B.K./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa