Njeriu më i rëndësishëm në kabinetin "Rama 2", Fatmir Xhafaj, dha paraditen e kësaj të shtune dorëheqjen nga posti. Lëvizja e Xhafajt ishte e papritur pasi erdhi në një moment kur Policia e Shtetit dhe "Forca e Ligjit" ishte angazhuar maksimalisht në betejë me krimin e organizuar. I ftuar në studion e Report Tv, gazetari investigativ, Artan Hoxha analizoi arsyet e kësaj vendimmarrje të Xhafajt. Sipas tij, fakti që Rama nxori menjëherë emrin e pasuesit të Xhafajt, çka lë të kuptohet se kryeministri ishte i përgatitur. Gazetari Artan Hoxha kujton mbështetjen që ish-ambasadorët Donald Lu dhe Romana Vlahutin i dhanë Xhafajt i vënë në qendër të sulmeve nga opozita, ndërsa largimi i tyre, sipas tij, solli edhe dobësimin politik të ministrit në detyrë.
Është java e dytë që lajmin e lënë në fundjavë. Ishte e papritur. Xhafaj ishte vënë në qendër të sulmeve që në muajin maj për Agron Xhafajn. madje opozita deklaroi ë fillim se Xhafaj hyn në Ministrinë e Brendshme vetëm duke kaluar mbi trupat tanë. Por Xhafaj rezistoi. Në momentet kur furtunat e mëdha kishin në qendër Xhafajn, ai ka rezistuar, ka tentuar të reagojë nisur nga aksionet në të gjithë vendin ditët e fundit ku u kapën katër grupe njëherazi. Pastaj Rama kishte gati emrin e ministrit të ri dhe kjo do të thotë se kryeministri e kishte menduar këtë. Xhafaj kur mori detyrën ishte një propozim dhe mbështetje e ambasadorëve kryesorë në Shqipëri, njeriu që kishte bërë reformën në drejtësi në Shqipëri, kishte mbështetjen e fortë të Donald Lu dhe Romana Vlahutin. Tani ata janë larguar dhe në këto kushte ka rënë edhe një lloj mbështetje që kishte Xhafaj. Dhe Rama u kundërpërgjigj me një emër që është i vështirë të atakohet nga opozita.
Artan Hoxha, gazetar investigativ i Report Tv
Sipas gazetarit Hoxha, Rama me këtë lëvizje më shumë nga të gjithë për largimin e Xhafajt janë të kënaqur eksponentë brenda mazhorancës.
“Ka pasur prishje të ekuilibrave, aq më tepër kur jemi përpara zgjedhjeve lokale dhe në shënjestër të akuzave janë vënë dy kryetar bashkish shumë të rëndësishme, ai i Elbasanit Qazim Sejdini të Durrësit, Vangjush Dako, që kanë nga tre mandate rrjesht dhe kanë rritur prezencën e mazhorancës në këto qarqe, duke i garantuar fitore të thellë. Veç të tjerash, akuzat e opozitës dhe përgjimet provuan akuzat e medias dhe opozitës dhe veprimi i policisë dhe prokurorisë bëntë të njëjtën gjë, duke krijuar një pol të fortë brenda qeverisë, duke qënë njeriu që kontrollinte disa dikastere, pati kënaqësi brenda mazhorancës. Me largimin e tij, Rama kënaqi të pakënaqurit brenda mazhorancës”, tha gazetari Hoxha
\Sa i takon emrit të ministrit të ri, Artan Hoxha tha se ai vjen me një formim të theksuar në Gjermani dhe zgjedhja e Gjeneral Sandër Lleshit për të pasuar Fatmir Xhafajn, është një mesazh që Rama i dha ndërkombëtarëve dhe nga ana tjetër i mbylli gojën opozitës.
"Ministri i ri ka një formim gjermanik. Ka harxhuar një dekadë të tërë me trajnime, kurse, gjuhë në Gjermani. Dhe ky është një mesazh i qartë drejtuar partnerëve ndërkombëtarë të cilët janë bërë aktivë kohët e fundit. Është një emër që edhe opozita nuk ka lënë gjë pa nxjerrë dhe sot i ka kapur befas. Ka qenë 5 vjet rresht këshilltar i kryeministrit. Është një emër ku nuk ke ku ta kapësh", tha Artan Hoxha, i cili shtoi se prezenca gjermane në Shqipëri është gjithnjë e në rritje.
"Kjo lëvizje e Ramës ka edhe një mesazh tjetër se nuk iu mbroj dot".
Sa i takon konferencës së paralajmëruar nga Saimir Tahirit, Artan Hoxha tha se dorëheqja e Xhafajt nuk ka lidhje me këtë.
"S'me rezulton që konferenca për shtyp që do japë Tahiri ka lidhje me Xhafajn. Ajo ka lidhje me hetimet ndaj Tahirit edhe logjikisht nuk mund të ketë lidhje me Xhafajn. Ne duam të sajojmë disa konflikte që nuk mund të shpërfaqen në këtë formë. Tahiri është jashtë partisë, është jashtë lojës dhe është në pritje të gjykimit edhe pse ai gjykim nuk po i vjen kurrë sepse hetimet shtyhen pafundësisht".
Komente
Lajme të tjera
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
-
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Ylli Pata: Revolucioni hungarez i BE që 'shpëtoi' Shqipërinë, por jo vetëm
17 Dhjetor, 08:29
-
Infrastrukturë, kujdes ndaj pacientëve dhe teknologji e avancuar, pamjet nga shërbimi i Sëmundjeve të Brendshme te Spitali i Traumës (VIDEO)
17 Dhjetor, 08:15 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Teatri i Kukullave, rikthim për fëmijët pas 3 vitesh mungesë. Rama: Shumë shpejt, gati edhe teatri i ri te Parku i Liqenit
16 Dhjetor, 15:06
-
Presidenti i Këshillit Evropian: E ardhmja e Ballkanit Perëndimor është në BE
16 Dhjetor, 14:49
Ky ishte nje nga ministrat qe ka puniar vertet dhe nisi reformen ne drejtesi.Hallall i qofte per cfare ka per vendin tone.
PërgjigjuSke ku kapesh fare... fundja ku ta kapesh nje spiun
Përgjigju