POP 5

Lajmet më të lexuara të 5 minutave të fundit

Sport

Dortmund i 'tërbuar' nga humbja me Bayern, fitore pa mëshirë kundër Paterborn-it (VIDEO-Golat)

Disfata me Bayern Mynchen ka egërsuar Borusia Dortmund, që në javën e 29 të Bundesligës ka shpërtalluar 1-6 Paterborn-in në trasfertë. Megjithatë ky tre pikësh e mban larg vendit të parë.

Dortmund është treguar i pamëshirshëm në transfertën e javës së 29 të Bundesligës kundër Paterborn-it të Klaus Gjasula. Një javë pas disfatës me Bayern-in, që me shumë gjasa u ka kushtuar titullin, verdhezinjtë shpërthyer duke fituar me shifrat 1-6.

Askush nuk do ta mendonte se pjesa e parë u mbyll me porta të paprekura, ndërsa për të parë golin e parë duhet të vinte minuta e 54, me Torgen Hazard që nuk e pati të vështirë për të realizuar me portën e boshatisur. Vetëm tre minuta më pas Jadon Sancho dyfishoi, ndërsa vendasit, që në këtë ndeshje nuk e kishin mesfushorin e kombëtares tonë për shkak kartonash, ngushtuan diferencën me penallti.

Gjithsesi shpresat për pikë të Paterborn-it do të zgjasnin shumë pak, pasi 2 minuta më pas sërish britaniku Sancho dërgoi shifrat në 1-3. Tre golat e tjerë për skuadrën e Lucien Favre do të realizoheshin në 5 minutat me fundit, me Hakimin dhe Schmelzer, të cilët vendosën emrat e tyre në listën e golashënuesve para se Jadon Sancho të realizonte golin e tretë personal dhe të stamponte shifrat përfundimtare të takimit.

5 javë para përfundimit të kampionatit Dortmund renditet në vendin e dytë me 60 pikë, 7 më pak se Bayern-i i vendit të parë.

 

Ndeshja tjetër e ditës së dielë të Bundesligës, mes Borusia Monchengladbach dhe Union Berlonit përfundoi me shifrat 4-1 në favor të vendasve. Me këtë fitore Monchengladbach mban vendin e tretë në klasifikim, ndërsa Mainz rrezikon të zbresë në zonën e ftohtë, atë të rënies nga kategoria.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00