Bundesliga gjermane e futbollit zhvilloi të shtunën pesë nga ndeshjet e raundit të 33-të, ose thënë ndryshe të parafundit të sezonit. Me Bayern Munich që e ka siguruar prej javësh titullin kampion, gara në Gjermani vijon për një vend në Evropë apo për mbijetesën.

Në 'Volkswagen Arena', vendasit e Wolfsburgut u mposhtën 0-1 nga Bayern Munich. Vendimtar për kampionët e Gjermanisë u tregua Michael Olise në minutën e 56-të me një gol fantastik nga jashtë zone. Më herët, në minutën e 36-të Harry Kane gaboi një penallti, duke qenë ndoshta ekzekutimi më i keq që anglezi i bën një 11 metërshi.

Wolfsburg është në 'vallen e mbijetesës', teksa së bashku me St. Paulin kanë nga 26 pikë për vendet 16 dhe 17 në renditje. Fati e do që javën e ardhshme të dyja skuadrat të përballen mes tyre, teksa Wolfsburgu mund të sigurojë zonën play-out edhe me një barazim, ndërsa St. Paulit i duhen vetëm tri pikët.

Në ndeshjet e tjera, Augsburgu fitoi 3-1 kundër Gladbach, Hoffenheim mposhti 1-0 Werder Bremen dhe ka shense që të sigurojë vendin e katërt, RB Leipzig mposhti 2-1 St. Paulin, ndërsa tri pikë siguroi edhe Stuttgarti që mposhti 3-1 Leverkusenin duke i nxjerrë 'Aspirinat' përfundimisht nga objektivi Champions.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Maj, 13:00

    PS propozon masa më të ashpra për shoferët e dehur e ata të rinj, si iu duket?

Lajme të tjera