POP 5

Lajmet më të lexuara të 5 minutave të fundit

Kronikë

Dosja 184/ Krimet e Rënda shpallin mos kompetencë, hetimi kalon në Prokurorinë e Dibrës

Prokurori i SPAK, Klodian Braho vendos të rikthej në Dibër dosjen 184 e cila trazoi politikën dhe opinion publik. Në këtë dosje me 100 cd përgjimesh një pjesë e tyre të bëra publike, kishte biseda për zgjedhjet lokale të 2016 në Dibër, për të cilat krimet nisën një hetim por pa rezultat. Ndërsa tashmë Dibra pritet të zbardh nëse pati apo jo blerje votash nga PS, teksa Muharrem Rama u zgjodh qytetari parë i Peshkopisë.

E konsideruar si një nga dosjet që trazoi politikën me akuza për korrupsion në zgjedhjet lokale në 2016 në Dibër, 184 transferohet nga Krimet e Rënda tek Prokuroria e Dibrës. Vendimi për transferimin e kësaj dosje është marrë nga prokurori Klodian Braho, i cili ka shpallur moskompetencën e vazhdimit të hetimeve të kësaj dosje.

ReportTv ka mundur të lexojë vendimin e prokurorit Braho i cili ka njoftuar edhe gjykatën, me argumentin se krimet zgjedhore përfshi edhe korrupsionin pasiv dhe aktiv janë kompetencë e prokurorive të rretheve. E përkatësisht në këtë rast, e Prokurorisë Dibër ku dyshohet se ka ndodhur vepra penale.

Kjo dosje prej ditëve të para të korrikut është transferuar dhe regjistruar në Dibër, por ende nuk është shortuar për tu caktuar se cili do ta ndjek këtë hetim.

Media gjermane BIld publikoi disa pasazhe nga cd me përgjime të kësaj dosje, ku kryeminsitri Rama dhe ish ministri Damian Gjiknuri, apo kryebashkiaku aktual i Lezhës, asokohe deputet i PS Pjerin Ndreu flisnin me vartësit e tyre të PS lokale Dibër për zgjedhjet.

Në reagimet publike ata mohuan të kenë shkelur ligjin apo kryer korrupsion zgjedhorë, ndërsa pritet që hetimet që do të kryhen në Dibër të zbardhin rolin e secilit person të përgjuar në këtë dosje.

Prej më shumë se 8 muaj prokurori Klodian Braho, njëherazi prokuror i SPAK-ut mbajti këtë dosje ndërsa në një vendimarrje larg vëmendjes së medias dhe publikut, ai vendosi ta transferoj tek kolegët e tij në Dibër.

Për dosjen 184 publikisht ka reaguar edhe kryeprokurorja Arta Marku e cila është shprehur se shpejt hetimet do arrinin në një konkluzion dhe kjo dosje kishte një numër më të vogël përgjimesh nga 339, e cila përfshin zgjedhjet dhe ish kryebashkiakun Vangjush Dako në Durrës.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

‘E shihni aeroplanin...? O Zot!’ Tragjedia ajrore në Uashington, zbardhen komunikimet mes pilotëve dhe kontrollorëve të kullës (VIDEO)

‘E shihni aeroplanin...? O Zot!’ Tragjedia ajrore në Uashington, zbardhen komunikimet mes pilotëve dhe kontrollorëve të kullës (VIDEO)

30 Janar, 08:43